ભાજપના MLA મધુ શ્રીવાસ્તવને પગાર વધારો લાગ્યો ઓછો કહ્યું- રોજના 5 હજાર...

વડોદરા: કોંગ્રેસ બાદ હવે ભાજપના ધારાસભ્ય મધુ શ્રીવાસ્તવને પણ પગાર વધારો ઓછો લાગ્યો છે. વાઘોડિયાના ધારાસભ્ય મધુ શ્રીવાસ્તવે કહ્યું કે દરેક ધારાસભ્યને રોજના 5 હજાર પેટે પગાર મળવો જોઈએ. એટલે કે એક લાખ 50 હજાર પગાર મળવો જોઈએ.

પગાર વધારા મુદ્દે કોંગ્રેસ સાથે ભાજપને પણ ઓછા પગારનો વિરોધ કરવાની જરૂર હતી. કારણ કે ગ્રામિણ વિસ્તારના ધારાસભ્યોને પગારની વધુ જરૂર પડે છે. મત વિસ્તારમાં લોકોને ચા-પાણીનો ખર્ચ કરવો પડતો હોય છે. સાથે જ પ્રવાસ સહિતના ચર્ચ પણ વધી જતા હોય છે.

ઉલ્લેખનીય છે કે રાજ્યના ધારાસભ્યોના પગારમાં 25 ટકાનો વધારો થયો છે. ગુજરાતના ધારાસભ્યોને પગાર-ભથ્થા સહિત માસિક રૂ.70 727 મળતા હતા જે વધીને રૂ.1 16 316 થયા છે પદાધિકારીઓના પગારભથ્થા પણ રૂ.86 804થી વધારીને રૂ.1 32 395 કરાયા છે ધારાસભ્યોનું દૈનિક ભથ્થું રૂ.200થી વધારીને રૂ.1 000 થયું છે પગાર વધારાનો અમલ વિધાનસભાની રચના થયાની તારીખથી મળવાપાત્ર કુલ રૂ.45 000નો વધારો કરાયો છે.

1 ક્લિક પર જોડાવો VTV ના સોશિયલ એકાઉન્ટ્સ સાથે...