ગુજરાતમાં ભાજપે ઐતિહાસિક જીત નોંધાવી અને આમ આદમી પાર્ટીએ પણ એન્ટ્રી કરી ત્યાં ઉતર પ્રદેશમાં જનતા એ સપા અને તેના સહયોગી આરએલડીને જીત અપાવી.
ગુજરાતમાં ભાજપે ઐતિહાસિક જીત નોંધાવી
ગુજરાતમાં પણ આમ આદમી પાર્ટીએ સારી એન્ટ્રી કરી
ઉતર પ્રદેશમાં જનતા એ સપા અને તેના સહયોગી આરએલડીને જીત અપાવી
ગુજરાત અને હિમાચલ પ્રદેશની વિધાનસભાની ચૂંટણીના પરિણામ લગભગ આવી જ ગયા છે. એક તરફ ગુજરાતમાં જ્યાં ભાજપે જબરદસ્ત અને ઐતિહાસિક જીત નોંધાવી છે ત્યાં હિમાચલ પ્રદેશમાં રિવાજ જળવતા કોંગ્રેસ સત્તામાં પરત ફરી છે. આ સાથે જ ગુજરાતમાં પણ આમ આદમી પાર્ટીએ સારી એન્ટ્રી કરી છે. ગુજરાતમાં એન્ટ્રીની સાથે જ AAP ગુજરાતમાં પ્રાદેશિક પાર્ટી બની ગઈ છે અને એ સાથે જ નવમી રાષ્ટ્રીય પાર્ટી તરીકેનો દરજ્જો પણ પ્રાપ્ત કરી લીધો છે.
તાજેતરની ચૂંટણીઓ અને પેટાચૂંટણીઓના પરિણામો પર નજર કરીએ તો એ પરથી જણાવ મળ્યું છે કે વિવિધ ભાગોમાં જનતાએ અલગ-અલગ વલણ દર્શાવ્યું છે. ઉતર પ્રદેશની બે વિધાનસભા અને એક લોકસભા બેઠક પર યોજાયેલી પેટાચૂંટણીમાં જનતા એ સપા અને તેના સહયોગી આરએલડીને જીત અપાવી છે ત્યાં જ બિહારની કુધાની બેઠકની પેટાચૂંટણીમાં શાસક ગઠબંધનના ઉમેદવાર મનોજ કુશવાહા (JDU)ને કેદાર પ્રસાદ ગુપ્તા ભાજપના ઉમેદવારે હરાવ્યા છે.
આ સાથે જ ઉત્તર પ્રદેશની રામપુર વિધાનસભા બેઠકની પેટાચૂંટણીમાં ભાજપના ઉમેદવાર આકાશ સક્સેનાએ સપાના ઉમેદવાર અસીમ રઝા પર જીત મેળવી છે. બીજી તરફ ખતૌલી સીટ પર સપાના સહયોગી આરએલડીના ઉમેદવાર મદન ભૈયાએ ભાજપના રાજકુમાર સૈનીને હરાવ્યા છે. આ સાથે જ રાજ્યની પ્રતિષ્ઠિત મૈનપુરી લોકસભા બેઠકની પેટાચૂંટણીમાં પણ સપાના ડિમ્પલ યાદવ ભાજપના રઘુરાજ સિંહ શાક્યને હરાવવાની નજીક છે.
આ સિવાય જો રાજસ્થાનની વાત કરી તો ત્યાં સરદાર સિટી વિધાનસભા બેઠકની પેટાચૂંટણીમાં સત્તાધારી કોંગ્રેસના અનિલ કુમાર શર્માએ ભાજપના અશોક કુમારને હરાવ્યા છે અને છત્તીસગઢમાં પણ શાસક કોંગ્રેસના ઉમેદવાર સાવિત્રી મનોજ માંડવીએ ભાનુપ્રતાપપુર વિધાનસભા બેઠક પર ભાજપના ઉમેદવાર બ્રહ્માનંદ નેતામને હરાવ્યા હતા.
જો ઓડિશાની વાત કરી તો ત્યાં પણ પદમપુર વિધાનસભા બેઠક માટે પેટાચૂંટણી યોજાઈ હતી અને આ સીટ પર સત્તારૂઢ બીજુ જનતા દળના ઉમેદવાર બરસા સિંહ બરિહાએ ભાજપના ઉમેદવાર પ્રદીપ પુરોહિતને લગભગ 75,000 મતોના માર્જિનથી હરાવ્યા હતા.
એક દિવસ પહેલા રાષ્ટ્રીય રાજધાની દિલ્હીમાં આમ આદમી પાર્ટીએ મ્યુનિસિપલ ચૂંટણીમાં ભાજપને હરાવ્યું હતું અને એ સાથે જ ભાજપને 15 વર્ષ માટે સત્તામાંથી બહાર કાઢ્યું હતું. 250 સભ્યોની MCDમાં AAPને 134 બેઠકો મળી હતી, જ્યારે ભાજપે 104 અને કોંગ્રેસને 9 બેઠકો મળી હતી આ સિવાય અન્યને ત્રણ બેઠકો મળી હતી.