તંત્ર સાબદું / શું ઓમાન તરફ ફંટાઈ જશે બિપોરજોય? સરકારે કહ્યું વાવાઝોડા સામે અમે તૈયાર, હવામાન વિભાગે 5 દિવસ માટે જુઓ શું કરી આગાહી

• વાવાઝોડું ઓમાન તરફ ફંટાવાની શક્યતા 
• આગામી 5 દિવસ સુધી ગુજરાત પર કોઈ અસર નહીં થાય 
• હાલ દરિયામાં માછીમારોને દરિયો ન ખેડવા સૂચના આપી

ગુજરાતમાં સંભવિત વાવાઝોડાને લઈ મહત્વના સમાચાર સામે આવી રહ્યા છે. જેમાં બિપોરજોય વાવાઝોડું ઓમાન તરફ ફંટાવાની શક્યતા જોવા મળી રહી છે. હવામાન વિભાગના જણાવ્યા અનુસાર આગામી 5 દિવસ સુધી ગુજરાત પર તેની કોઈ અસર નહીં થાય ! બીજી બાજુ હાલ તંત્ર દ્વારા સલામતીના ભગરૂપે દરિયામાં માછીમારોને દરિયો ન ખેડવા સૂચના આપવામાં આવી છે. તેમ હવામાન વિભાગના ડાયરેકર મનોરમા મોહંતીએ જણાવ્યું હતું.

સ્કાયમેટ દ્વારા અનુમાન લગાવાઈ રહ્યું છે કે...

એ જ રીતે બિપોરજોય વાવાઝોડું ગુજરાતથી દૂર રહેવાનું સ્કાયમેટ દ્વારા પણ અનુમાન લગાવાઈ રહ્યું છે.  દરિયામા સક્રિય થયેલ બિપોરજોયની સિસ્ટમ ઓમાન બાજુ ફંટાવાનું સ્કાયમેટ દ્વારા અનુમાન લગાવાઈ રહ્યું છે. સ્કાયમેટ દ્વારા વ્યક્ત કરાયેલી સંભાવના મુજબ વાવાઝોડું ગુજરાત તરફ આવે તો કરાંચી બાજુ જવાની સંભાવના જોવા મળી રહી છે. તથા વાવાઝોડું ગુજરાત તરફ નહીં આવે તો ઓમાન તરફ ફંટાઈ જશે. એવું પણ જાણવા મળી રહ્યું છે કે વાવાઝોડું ફંટાયા બાદ પણ ગુજરાત અને મહારાષ્ટ્રમાં તેની પ્રતિકૂળ અસર જોવા મળશે. અત્યારે વાવાઝોડું પોરબંદરથી માત્ર 110 કિલોમીટર દૂર છે. સાવચેતીના ભાગરૂપે તમામ બંદર પર હાઈએલર્ટ જાહેર કરી દેવાયું છે.

માછીમારોને દરિયો ન ખેડવા માટે પણ સૂચના
આવતી કાલે વાવાઝોડું તીવ્ર ચક્રવાતી તોફાનમાં પરિવર્તિત થવાની શક્યતા હવામાન વિભાગે કરી છે. તેના પગલે ગુજરાતનાં પોરબંદર અને જાફરાબાદ સહિતનાં બંદર પર 2 નંબરનું સિગ્નલ લગાવવામાં આવ્યું છે. આ સાથે જ માછીમારોને દરિયો ન ખેડવા માટે પણ સૂચના આપવામાં આવી છે. વાવાઝોડાને કારણે અનેક જિલ્લામાં ભારે પવન સાથે વરસાદ પડી શકે છે. આ ભારે વરસાદની શક્યતાને પગલે SDRFની ટીમને પણ એલર્ટ કરી દેવામાં આવી છે.