કોરોના / મોદી સરકારનો મોટો નિર્ણય, હવે 12 થી 18 વર્ષના બાળકોને જલ્દી મળી શકે છે વેક્સિન, જાણો તમામ કામની માહિતી

• 12થી 18 વર્ષના બાળકોને મળી શકે છે રસી
• કેન્દ્ર સરકારને મળી જશે કોર્બેવેક્સ રસીનો જથ્થો
•  બાયોલોજિકલ E દ્વારા વિકસિત કરાઇ કોર્બેવેક્સ રસી

કોરોના સામે રસી અને માસ્ક આ બંને વસ્તુ કારગર સાબિત થઇ છે. રસી લેનારને કોરોના થાય છે પરંતુ જોખમી નીવડતો નથી. તેવી જ રીતે માસ્ક પણ આપણને કોરોનાથી બચાવે છે. ત્યારે હવે 15 થી 18 વર્ષના બાળકોને રસી આપ્યા બાદ 12 વર્ષથી વધુ ઉંમરના બાળકોને જલ્દીથી રસી મળી શકે છે.કારણ કે  કેન્દ્ર સરકારને કોર્બેવેક્સ રસીનો પ્રથમ જથ્થો મળી જશે.  

સરકાર ખરીદી રહી છે 30 કરોડ ડોઝ 

 સરકાર 12 થી 18 વર્ષની વયના બાળકો માટે બાયોલોજિકલ E દ્વારા વિકસિત આ કોરોના રસીના 30 કરોડ ડોઝ ખરીદી રહી છે. ખરીદીનો ઑર્ડર ઑગસ્ટ 2021 માં આપવામાં આવ્યો હતો. બાયોલોજિકલ Eએ  Corbevax રસીનું  250 મિલિયન ડોઝનું ઉત્પાદન કર્યું છે. તે થોડા અઠવાડિયામાં બાકીના ડોઝ પણ તૈયાર કરશે.

રુ.145 હશે રસીની કિંમત 

મહત્વનુ છે કે ગત વર્ષે સરકારે હૈદરાબાદ સ્થિત કંપની બાયોલોજિકલ ઇને 1500 કરોડ રુપિયાનું એડવાન્સ પેમેન્ટ કર્યુ હતું.  જો કે હમણા થોડા દિવસ પહેલા જ ડ્રગ કંટ્રોલર ઑફ ઇન્ડિયાએ 12 થી 18 વર્ષની વયના બાળકો માટે કોર્બેવેક્સ રસીના કટોકટીના ઉપયોગને મંજૂરી આપી છે.  એવી અપેક્ષા છે કે ડીજીસીઆઈ ટૂંક સમયમાં તેની અંતિમ મંજૂરી આપશે. સત્તાવાર સૂત્રોએ સોમવારે ANIને જણાવ્યું કે Corbevaxની કિંમત સંભવત 145 રૂપિયા હશે. તેમાં ટેક્સનો સમાવેશ થતો નથી.

RBD પ્રોટીન આધારિત રસી

કેન્દ્રીય સ્વાસ્થ્ય મંત્રાલયના જણાવ્યા અનુસાર, આ રસી ભારતની પ્રથમ RBD પ્રોટીન આધારિત કોવિડ-19 રસી છે. ભારત બાયોટેકની કોવેક્સિન પછી આ બીજી રસી છે, જે 18 વર્ષથી ઓછી ઉંમરના બાળકોને આપવામાં આવશે.

Corbevax રસીની વિશેષતા શું છે?

કોર્બેવેક્સ રસી ઇન્ટ્રામસ્ક્યુલર રીતે આપવામાં આવે છે. 28 દિવસના અંતરાલ પર બે ડોઝ આપવામાં આવે છે. Corbevax 0.5 ml (સિંગલ ડોઝ) અને 5 ml (દસ ડોઝ) શીશીઓમાં ઉપલબ્ધ છે. તે 2 થી 8 ° સે તાપમાને સાચવવામાં આવે છે.