ભારે કરી / સાળાના લગ્નમાં સાસરિયે ગયેલા બનેવી સાથે કરી જીવલેણ મજાક, ગરમ તેલની કડાઈમાં નાખી દીધા

• બિહારમાંથી વિચિત્ર ઘટના સામે આવી
• લગ્ન પ્રસંગમાં મજાક ભારે પડી
• મજાકમાં સાળાઓએ બનેવીને ગરમ તેલની કડાઈમાં નાખી દીધા હતા

ઘરઆંગણે શુભપ્રસંગ હોય અને હસી મજાક થાય, જો કે, મજાક ઘણી વાર જીવલેણ પણ સાબિત થતી હોય છે. આવો જ એક કિસ્સો બિહારમાંથી સામે આવ્યો છે. અહીં મજાકની હચમચાવી નાખતી ઘટના સામે આવી છે. બિચારા જીજાજીને તેનું ભયંકર પરિણામ ભોગવવાનો વારો આવ્યો હતો. આ કિસ્સો બિહારના બાંકા જિલ્લાના કટોરિયાના મહાદેવાવરણ ગામનો છે. અહીં પપ્પુ યાદવ નામનો શખ્સ પોતાના સાળા સંતોષ યાદવના લગ્નમાં ગયો હતો. 

લગ્ન પ્રસંગમાં બનેવી સાથે જીવલેણ મજાક કરી

સાસરિયામાં પહેલા દોનિયાર નિવાસી વિકાસ યાદવ અને શિવા યાદવે સાળા બનેવીના સંબંધોમાં થનારી મજાક અંતર્ગત એવું કામ કર્યું જે પપ્પુ યાદવને સારુ ન લાગ્યું. પણ બાદમાં વિવાદ વધ્યો તો, બંનેએ પોતાના બનેવીને ગરમ તેલની કડાઈમાં નાખી દીધા હતા. કહેવાય છે કે, પપ્પુ યાદવે જાનના દિવસે ઘરની સામેની ચોકી પર સુતેલો હતો, ત્યારે આ તમામની વચ્ચે કોઈ વાતને લઈને વિવાદ વધી ગયો.

મજાક મજાકમાં ગરમ તેલની કડાઈમાં બનેવીને નાખી દીધા

આ દરમિયાન બે યુવકો જેમાંથી એક દોનિયાર ગામનો વિકાસ યાદવ પણ સામેલ છે અને બનેવી જ્યાં ખાવાનું બનાવી રહ્યા હતા, ત્યાં ગરમ તેલની કડાઈમાં નાખી  દીધો હતો. જેનાથી તેની પીઠનો મોટો ભાગ દાજી ગયો હતો. એટલું જ નહીં આ ઘટના બાદ બંને યુવક પપ્પુ યાદવ સાથે બોલાચાલી થતાં મારપીટ કરી જાનથી મારી નાખવાની ધમકી પણ આપી દીધી ગતી. આ ઘટના  બાદ સંબંધીઓ વચ્ચે પડ્યા અને મામલો શાંત કરાવ્યો હતો. બાદમાં મામલો થાળે પાડવા પંચાયત પણ બોલાવી હતી, પણ વાત જામી નહીં અને પોલીસ સ્ટેશનમાં ફરિયાદ કરાવામાં આવી.

પોલીસમાં નોંધાઈ ફરિયાદ

ઘટના બાદ યુવકે અજાણી જગ્યાએ સારવાર કરાવ્યા બાદ મંગળવારે પોલીસ પાસે પહોંચ્યો હતો. તેણે કટોરિયા પોલીસ સ્ટેશનમાં બંને યુવક વિરુદ્ધ ફરિયાદ નોંધાવી હતી. પોલીસ દ્વારા જખ્મી બનેવીને રેફરલ હોસ્પિટલમાં સારવાર માટે મોકલી દીધા હતા. જ્યાં તેની સારવાર કરવામાં આવી હતી.