બિહારમાં NDAએ કર્યુ 39 ઉમેદવારોનું એલાન, શત્રુઘ્ન સિન્હાની ટિકિટ કપાઇ

નવી દિલ્હીઃ આજે ભાજપ પોતાના ઉમેદવારોની બીજી યાદી જાહેર કરી શકે છે. ત્યારે બિહારમાં એનડીએ પોતાનાએ પોતાના 39 ઉમેદવારોની યાદી જાહેર કરી છે. બિહારમાં એનડીએના નેતાઓ દ્વારા પ્રેસ કોન્ફરન્સ યોજવામાં આવી હતી. જેમાં એનડીએના 39 ઉમેદવારોનું એલાન કર્યું છે.

NDAમાં કોને મળી ટિકિટ

બિહારમાં એનડીએએ પોતાના ઉમેદવારોનું એલાન કરી દીધું છે. બિહાર પ્રભારી ભૂપેન્દ્ર યાદવે જણાવ્યું કે પશ્વિમ ચંપારણથી ડૉ. સંજય જાયસવાલ, પૂર્વી ચંપારણથી ભાજપે રાધા મોહનસિંહને ટિકિટ આપવામાં આવી છે. આ સિવાય બાલ્મીકિનગરથી જેડીયૂના વૈધનાથ પ્રસાદ, પશ્વિમ ચંપારણથી ભાજપના સંજય જાયસવાલને ટિકિટ આપવામાં આવી છે.



શિવહરથી ભાજપના રમાદેવી, પૂર્ણિયાથી જેડીયૂના સંતોષ કુમાર, સારણથી ભાજપના રાજીવ પ્રતાપ રૂઢી, બેગૂસરાયથી ભાજપના ગિરિરાજસિંહ, હાજીપુરથી એલજેપીના પશુપતિ પારસ, પટના સાહિબથી શત્રુઘ્ન સિન્હાની ટિકિટ કપાઇ છે જે બેઠક પર ભાજપના રવિશંકર પ્રસાદને ટિકિટ અપાઇ, જમુઇથી એલજેપીના ચિરાગ પાસવાને ટિકિટ અપાઇ.

પાટલીપુત્રથી રામ કૃપાલ યાદવ, આરાથી રાજ કુમાર સિંહ, બક્સરથી અશ્વિની કુમાર ચૌબે, સાસારમથી છેદી પાસવાન, ઔરંગાબાદથી સુશીલ કુમાર સિંહને ટિકિટ અપાઇ.