IPLIN
 
  • Home
  • Politics
  • India
  • bihar floor test nitish kumar tejashwi yadav no confidence motion

BIG NEWS / બિહાર: નીતિશ કુમારની મહાગઠબંધનવાળી સરકાર ફ્લોર ટેસ્ટમાં પાસ, ભાજપે કર્યો બહિષ્કાર

Team VTV 05:25 PM, 24 Aug 22
Follow us
bihar floor test nitish kumar tejashwi yadav no confidence motion

બિહારમાં થયેલા રાજકીય ઉથલપાથલ બાદ આજે નીતિશ-તેજસ્વી સરકારનો ફ્લોર ટેસ્ટ થયો હતો. તેમાં મહાગઠબંધન સરકારે ભારે બહુમતથી વિશ્વાસમત પ્રાપ્ત કર્યો હતો.

  • બિહાર વિધાનસભામાં આજે ફ્લોર ટેસ્ટ થયો હતો
  • નીતિશ અને તેજસ્વીની સરકારે બહુમત પ્રાપ્ત કર્યો
  • ધ્વનિમત બાદ વોટિંગ થતાં ભાજપે વોટિંગનો બહિષ્કાર કર્યો

બિહારમાં થયેલા રાજકીય ઉથલપાથલ બાદ આજે નીતિશ-તેજસ્વી સરકારનો ફ્લોર ટેસ્ટ થયો હતો. તેમાં મહાગઠબંધન સરકારે ભારે બહુમતથી વિશ્વાસમત પ્રાપ્ત કર્યો હતો. વિશ્વાસ મતના વોટિંગનો ભાજપે બહિષ્કાર કર્યો હતો. ફ્લોર ટેસ્ટ પહેલા ભાજપ નેતા અને સ્પિકર વિજય કુમાર સિન્હાએ રાજીનામું આપી દીધું હતું. ત્યાર બાદ ડેપ્યુટી સ્પિકરે ફ્લોર ટેસ્ટ કરાવ્યો હતો.ફ્લોર ટેસ્ટ દરમિયાન નીતિશ કુમાર અને તેજસ્વી યાદવે ભાજપ પર આકરાં પ્રહારો કર્યા હતા.

ફ્લોર ટેસ્ટ પહેલા ભાજપ નેતા અને વિધાનસભાના સ્પીકર વિજય કુમાર સિન્હાએ પોતાના પદેથી રાજીનામું આપી દીધું હતું. આ અગાઉ મંગળવાર સુધી તેઓ રાજીનામું નહીં આપવા પર અડગ રહ્યા હતા, જેનો જેડીયૂએ વિરોધ કર્યો હતો. હવે ડેપ્યુટી સ્પિકરે ફ્લોર ટેસ્ટ કરાવ્યો હતો. 

મહાગઠબંધન સરકારે વિશ્વાસ મત જીત્યો

બિહારમાં નીતિશ કુમારની મહાગઠબંધનવાળી સરકારે વિશ્વાસ મત જીત્યો છે. બહુમત હોવા છતાં સત્તા પક્ષે મતદાન કરવાની માગ કરી હતી. જ્યારે ભાજપનું કહેવુ હતું કે જ્યારે ધ્વનિમતથી વિશ્વાસ મત પ્રાપ્ત થઈ ગયો હતો, તો પછી વોટિંગની શું જરુર હતી, પણ વોટિંગ થયું અને ભાજપે વોટિંગનો બહિષ્કાર કર્યો હતો.

ભાજપ પોતાના ફાયદા માટે હિન્દુ-મુસલમાન કરાવે છે- નીતિશ કુમાર

નીતિશ કુમારે ભાજપ પર પ્રહારો કરતા કહ્યું કે, આ પોતાના ફાયદા માટે હિન્દુ મુસલામ કરાવે છે. નીતિશે ભાજપને સવાલ કર્યો કે, આઝાદીની લડાઈ દરમિયાન આપ ક્યાં હતા. નીતિશે આગળ કહ્યું કે, ભાજપ સાથે ગઠબંધન તોડ્યા બાદ તમામ વિપક્ષી પાર્ટીએ તેમને ફોન કર્યો હતો અને કહ્યું હતું કે, મેં ઠીક કર્યું. નીતિશે કહ્યું કે, અમે વિપક્ષી નેતાઓને કહ્યું કે, 2024માં મળીને ચૂંટણી લડીશું.

 

Bihar Floor Test Nitish Kumar Tejashwi Yadav
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ