બિહારના સહરસામાં આવેલી સદર હોસ્પિટલમાં મોબાઈલમાં ટોર્ચ કરીને શમ્ભુ નામના સફાઈ કર્મચારીએ મહિલાનુ ઓપરેશન કર્યુ છે. આ હોસ્પિટલમાં વિજળી અને ડોક્ટરોના અભાવના કારણે સફાઈ કર્મચારીએ ઓપરેશન કર્યુ હતુ. મહત્વનુ છે કે સહરસામાં એક રોડ અકસ્માતમાં મહિલા ઈજાગ્રસ્ત થઈ હતી. ત્યાર બાદ મહિલાને હોસ્પિટલ ખસેડાઈ હતી.
આ હોસ્પિટલમાં કોઈ પણ ડોક્ટર હાજર ન હતો. જ્યારે હોસ્પિટલમાં વિજળી પણ ન હતી. આ દરમિયાન શમ્ભુ નામના સફાઈ કર્મચારીએ મોબાઈલની ટોર્ચથી લાઈટ કરીને ઓપરેશન કર્યુ હતું. અને આ દરમિયાન વીડિયો રેકોર્ડિંગ પણ કરવામાં આવી હતી. ત્યારે હવે આ મામલે કોંગ્રેસ નેતા સુસ્મિતા દેબએ પ્રતિક્રિયા આપતા નીતિશ કુમાર પર પ્રહાર કર્યા છે.