બિહાર / નીતિશ કૂમારની સરકાર તૂટતાં-તૂટતાં બચી! 47 ધારાસભ્યો હતાં ગેરહાજર

આ મુદ્દા પર ચર્ચા બાદ વિપક્ષ તરફથી આરજેડી નેતા અબ્દૂલ બારી સિદ્દીકી તરફથી કટૌતી પ્રસ્તાવ લાવવામાં આવ્યો જેનો રાજ્ય સરકારે વિરોધ કર્યો. આ ચર્ચા દરમિયાન આ મુદ્દા પર વાત વિધાનસભામાં મતદાન કરવા સુધી પહોંચી ગઇ. 

પરંતુ જ્યારે વિધાનસભામાં મતદાન કરવાનું થયું ત્યારે બિહારની સરકારમાં જાણે ભૂકંપ જોવા મળ્યો હતો. સૂત્રોને મળતી માહિતી મૂજબ ગઇકાલે વર્લ્ડકપની ભારત-ન્યૂઝીલેન્ડ વચ્ચેની સેમિફાઇનલ મેચ જોવાને લઇને ઘણાબધાં ધારાસભ્યો વિધાનસભામાં ઉપસ્થિત નહોતાં.

વિધાનસભાના સ્પીકર વિજય કુમાર ચૌધરી તરફથી જ્યારે સદમાં મત વિભાજનના આદેશ બાદ હાજર ધારાસભ્યોએ મતદાન કર્યું. જો કે નીતિશ કુમાર માટે રાહતની વાત એ રહી હતી કે પ્રસ્તાવમાં 84 મત જ્યારે વિરોધમાં 52 મત સહકારિતા વિભાગની માંગ પ્રસ્તાવ સદનમાં 33 મતથી પસાર થઇ ગયો હતો. 

ઉલ્લેખનીય છે કે બિહાર વિધાનસભામાં ભાજપ અને જેડીયુના ધારાસભ્યોની સંખ્યા 132 છે, પરંતુ આ સમયે માત્ર 85 ધારાસભ્યો ઉપસ્થિત હતા. જેનો મતલબ છે એનડીએના 47 ધારાસભ્યો સદનમાં ઉપસ્થિત હતા નહીં, જેના કારણે નીતિશ કુમારની સરકાર પડી જવા સુધી પહોંચી ગઇ હતી.