- રજનીકાંતની તબિયત લથડતાં ગુરુવારે હોસ્પિટલમાં દાખલ કર્યા હતાં
- રજનીકાંતની તબિયત બગડતાં ચાહકો કરી રહ્યાં છે પ્રાર્થના
- હોસ્પિટલે હેલ્થ બુલેટિન જાહેર કરીને કહ્યું કે, રજનીકાંત હવે સ્વસ્થ છે
હોસ્પિટલે જાહેર કર્યું કે, રજનીકાંત હવે સ્વસ્થ છે
દક્ષિણ ભારતીય અભિનેતા રજનીકાંતને તબીયત લથડતાં ગુરુવારે ચેન્નાઈની કાવેરી હોસ્પિટલમાં દાખલ કરવામાં આવ્યા હતા. તેમને કેરોટીડ આર્ટરી રિવાસ્ક્યુલરાઇઝેશન સર્જરીની સલાહ આપવામાં આવી હતી. જે સર્જરી હવે સફળતાપૂર્વક પૂર્ણ થઈ ગઈ છે. અને થોડા દિવસો પછી તેને હોસ્પિટલમાંથી રજા આપવામાં આવશે. હોસ્પિટલ દ્વારા જાહેર કરવામાં આવેલા મેડિકલ બુલેટિનમાં કહેવામાં આવ્યું છે કે અભિનેતા સ્વસ્થ થઈ રહ્યો છે.
ગુરુવારે તબિયત બગડી હતી
રજનીકાંતની તબિયત હાલ સુધારા પર છે. ગુરુવારે તેમની તબિયત બગડી હતી અને તેમને ચેન્નઇની કાવેરી હોસ્પિટલમાં દાખલ કરવામાં આવ્યા હતા. જો કે, મીડિયાને રુટિન ચૅક-અપ કહેવામાં આવ્યું હતું. રજનીકાંતનું 2016માં અમેરિકામાં કિડની ટ્રાંસપ્લાન્ટ થયું હતું. ત્યારથી તે પોતાની તબિયતને લઇને સજાગ રહે છે. હેલ્થ પ્રોબ્લેમના કારણે જ તેમણે રાજનીતિ પણ છોડી દીધી હતી.
ચાહકો કરી રહ્યાં છે પોસ્ટ
આ સમાચાર સામે આવ્યાં બાદ રજનીકાંતના ચાહકો સોશ્યલ મીડિયા પર પોસ્ટ કરવા લાગ્યા હતા. ચાહકોએ અભિનેતાના સારા સ્વાસ્થ્ય અંગે શુભકામના કરી રહ્યાં છે. એક્ટર રજનીકાંતને રાષ્ટ્રીય ફિલ્મ ઍવોર્ડમાં દાદા સાહેબ ફાળકે ઍવોર્ડ એનાયત કરવામાં આવ્યો હતો. ઍવોર્ડને પોતાના મિત્ર રાજ બહાદૂરને સમર્પિત કર્યો હતો.
રજનીકાંતનો મિત્ર છે રાજબહાદૂર
રજનીના ફેન્સ રાજ બહાદૂરને ઓળખતાં હશે. આ વ્યક્તિ બેંગ્લોરના ચમરાજપેટમાં રહે છે. રાજ બહાદૂર તે જ વ્યક્તિ છે જેણે શિવાજીરાવ ગાયકવાડને રજનીકાંત બનવા માટે પ્રેરિત કર્યો હતો. આ તે જ વ્યક્તિ છે જેણે રજનીને તમિળ ભાષા બોલતા શીખવાડી. આ વાતને ખુબ ઓછા લોકો જાણે છે કે બંનેની કહાણી કૃષ્ણ-કુલેચાની પૌરાણિક કથાથી મળતી આવે છે. બસ અંતર એટલું છે કે બંનેએ કૃષ્ણ અને કુલેચાની ભૂમિકા અનેકવાર અદલબદલ કરી છે.
એક લોકપ્રિય મિત્રતા
રાહ બહાદૂરે કહ્યું કે, અમારી મિત્રતા 50 વર્ષ જૂની છે. હું તેને 1970માં મળ્યો હતો. તેણે ત્યારે બસ કંડક્ટર અને મેં ડ્રાઇવર તરીકે નોકરી જોઇન કરી હતી. અમારા ટ્રાંસપોર્ટ સ્ટાફમાં તે સૌથી સારો એક્ટર હતો. જ્યારે પણ વિભાગનો કોઇ સાંસ્કૃતિક કાર્યક્રમ હોય ત્યારે તે કાર્યક્રમ આપતો હતો. ડ્યુટી બાદ તે વિભિન્ન નાટકોમાં કામ કરતો હતો. તે કહેવાની જરૂર નથી કે અભિનયમાં તેમનો કોઇ મુકાબલો કરી શકે છે.
