કિરણ પટેલ વિદેશમાંથી PhDની ડિગ્રી મેળવ્યાનું લોકોને કહેતો હતો તેમજ IIM TRICHYથી MBA કર્યાનો કિરણ પટેલ દાવો પણ કરતો હતો.
મહાઠગ કિરણ પટેલ મામલે મોટા ખુલાસો
IIM TRICHYથી MBA કર્યાનો કિરણ પટેલ દાવો કરતો
કોના આશીર્વાદથી સિક્યોરિટી સાથે ફરતા: મનીષ દોશી
PMOના ઉચ્ચ અધિકારી ગણાવી બુલેટપ્રૂફ વાહનમાં ફરતા અમદાવાદના કિરણ પટેલની શ્રીનગરથી ધરપકડ કરાઈ છે. આ મહાઠગ કિરણ પટેલ મામલે અનેક ચોંકાવનારા ખુલાસા થયા છે. જમ્મુમાં PMO ઓફિસર ગણાવતો કિરણ પટેલ અગાઉ પણ વિવાદોમાં રહી ચૂક્યો છે. અગાઉ અમદાવાદમાં પણ કિરણ પટેલ સામે ગુના નોંધાઈ ચૂક્યા છે. કિરણ પટેલ અમદાવાદમાં પૂર્વ DySP સાથે પણ કરોડોની ઠગાઈ કરી ચુક્યો છે. તેમજ કિરણ પટેલ વિદેશમાંથી PHDની ડિગ્રી મેળવ્યાનું લોકોને કહેતો હતો તોજે સમગ્ર મામલે કિરણ પટેલના એડવોકેટ નિસર્ગ વૈદ દવેએ ખોટી ફરિયાદ હોવાનો કહી બચાવ કર્યાો છે.
IIM TRICHYથી MBA કર્યાનો કિરણ પટેલે દાવો કર્યો હતો
PMOના બોગસ અધિકારી તરીકેની ઓળખ આપનાર કિરણ પટેલ બાબતે મોટા ખુલાસો થયા છે. કિરણ પટેલ વિદેશમાંથી PHDની ડિગ્રી મેળવ્યાનું લોકોને કહેતો હતો તેમજ IIM TRICHYથી MBA કર્યાનો કિરણ પટેલ દાવો પણ કરતો હતો. ઓસ્ટ્રેલિયાની વર્જિનિયા યુનિ.માંથી PHD કર્યું હોવાનું ટ્વીટ પણ કર્યું હતું. કોમનવેલ્થ વેકેશનલ યુનિ.ના માનદ ડિરેક્ટરનો બોગસ લેટર પણ કિરણ પટેલે બનાવ્યો હતો તેમજ IIM-TRICHYમાં જઇ ફોટો પડાવી MBA કર્યાનું ટ્વીટ કર્યુ હતુ.
કિરણ પટેલના એડવોકેટે શું કહ્યું?
નકલી અધિકારી બનનાર કિરણ પટેલના એડવોકેટ નિસર્ગ વૈદ દવેએ ખોટી ફરિયાદ હોવાનો કહી બચાવ કર્યો છે. કિરણ પટેલના એડવોકેટે જણાવ્યું કે, રાજકીય મિત્રને સુરક્ષા મળી હતી અને રાજકીય મિત્રના લીધે તેઓને પણ સુરક્ષા મળી હતી. PMOને લઈને કોઈ ડોક્યુમેન્ટ નથી રજૂ કર્યા અને આ કેસને લઈને કોર્ટમાં પડકારીશુ તેમ એડવોકટે જણાવ્યું છે.
સમગ્ર દેશ અને રાષ્ટ્રીય સુરક્ષા સામે ચિંતા છે: મનીષ દોશી
કિરણ પટેલ મામલે મામલે કોંગ્રેસ નેતા કોંગ્રેસ નેતા મનીષ દોશીએ જણાવ્યું કે, સમગ્ર દેશ અને રાષ્ટ્રીય સુરક્ષા સામે ચિંતા છે. જમ્મુ કાશ્મીરના અતિ સંવેદનાસીલ વિસ્તારની મુલાકાત લીધી છે અને કિરણ પટેલ PMOના અધિકારી બતાવી ફરી રહ્યા હતા તેમજ વિગતો સામે આવતા સૌ માટે અને ખાસ દેશની રાષ્ટ્રીય સુરક્ષા માટે સવાલ ઉભા કરે છે. દોશી કહ્યું કે, કિરણ પટેલે જમ્મુ કાશ્મીરમાં બેઠક પણ કરી છે અને લાલ ચોકની પણ મુલાકાત લીધી તેમજ ઉરીની કમાંન પોસ્ટ સુધી ફરી આવ્યા છે. તેમણે કહ્યું કે, કોંગ્રેસ તરીકે પ્રશ્ન છે કે કિરણ પટેલને ઓળખી કેમ ન શક્યા ? અને ઓળખકાર્ડમાં પોસ્ટ બતાવી તેની ચકાસણી કેમ ન થઈ ? તેમજ z+ માટે નિતિનિયમ હોય છે ?. તેમણે સવાલ કરતા કહ્યું કે, કોના આશીર્વાદથી સિક્યોરિટી સાથે ફરતા ?, જમ્મુ અને કાશ્મીર માટે મોટા દાવા કરતી સરકાર કેવી કે જે કનફોર્મ ન કરી શકે ?. નકલી સરકાર નકલી PSI કરાઈમાં ટ્રેનિંગ લઈ લે અને હવે આ કિસ્સો સામે આવ્યો છે.
કોંગ્રેસના પ્રહાર
કોંગ્રેસ નેતા મનીષ દોશીએ જણાવ્યું કે, આટલી મોટી ચૂક કેમ થાય તેમજ ભાઈ કિરણના અને નેતા સાથે ફોટો છે. તેમણે કહ્યું કે, કોઈની મિલીભગત તો ઠીક પણ સુરક્ષામાં ચૂક છે. ગૃહ મંત્રાલયની મદદ વગર સિક્યોરિટી કેમ મળે તેનો જવાબ આપવો જોઈએ અને અહીં કોન્સ્ટેબલ ન મળે અને કિરણ પટેલને z+ સિક્યોરિટી મળે છે. આ ઠગ છે કે આખી ગોઠવણ હતી તેમજ આ મોટી ચૂક છે, બેદરકારી છે. દોશીએ પ્રહાર કરતા કહ્યું કે, ભાજપને પૂછવા માંગુ છું કે મજબૂત સરકાર લોકોને સુરક્ષા આપવા માંગે છે કે આવા નકલી ને ઓળખકાર્ડ આપવા માંગે છે. તમામ ખુલાસાઓ થવા જોઈએ તે જરૂરી છે. કિરણ પટેલના સોસીયલ મીડિયામાં તમામ વીડિયો છે તપાસ થવી જોઈએ. આ કોઈ વિશેષ જવાબદારી હતી કે નકલી વ્યવસ્થા હતી ભાજપ જવાબ આપે.
4 વખત PMO અધિકારી તરીકે J&Kની યાત્રા કરી ચુક્યો છે
ઢગ કિરણ પટેલ અત્યાર સુધીમાં 4 વખત PMO અધિકારી તરીકે J&Kની યાત્રા કરી ચુક્યો છે. સૂત્ર પાપ્ત વિગતો મુજબ કિરણ પટેલ સાથે ગુજરાતના અન્ય 2 શખ્સ હોવાની માહિતી છે. કિરણ પટેલ સાથે રાજસ્થાનનો પણ એક શખ્સ હાજર હતો તેમજ રાજસ્થાનના વ્યક્તિની જમ્મૂ કશ્મીર પોલીસ પૂછપરછ કરી રહીં છે. જમ્મૂ કશ્મીર પોલીસની ટીમ પણ ગુજરાત પહોંચશે. 29 નવેમ્બર 2022ના કિરણ પટેલે Z+ સુરક્ષા સાથે LOC નજીક ઉરીની મુલાકાત લીધી હતી તેમજ DC બડગામે 25 ફેબ્રુઆરીના શ્રીનગર-દિલ્લી જાણ કરી હતી તેમજ કિરણ પટેલે દુધ્પથરી ખાતે અધિકારીઓને બદલી કરાવી દેવાની ધમકી પણ આપી હતી તેવી સૂત્રો પાપ્ત વિગતો છે.
જમ્મુ પોલીસે કરી છે ધરપકડ
મહત્વનું છે કે, જમ્મુ અને કાશ્મીર પોલીસે શ્રીનગરમાં એક મોટી કાર્યવાહી કરી છે. એક હાઈપ્રોફાઈલ કેસમાં અમદાવાદના કિરણ પટેલની ધરપકડ કરવામાં આવી છે. માહિતી મુજબ ધરપકડ કરાયેલ કિરણ પટેલ નામના વ્યક્તિએ બનાવટી દસ્તાવેજોના આધારે સત્તાવાર પ્રોટોકોલ મેળવ્યો હતો. ધરપકડ કરાયેલ વ્યક્તિ પોતાની ઓળખ વડાપ્રધાન કાર્યાલય, નવી દિલ્હીમાં એડિશનલ ડાયરેક્ટર (સ્ટ્રેટેજી એન્ડ કેમ્પેન્સ) તરીકે આપતો હતો. જમ્મુ-કાશ્મીર પોલીસને મળેલી ગુપ્ત માહિતી બાદ પોલીસે આ કાર્યવાહી કરી હતી. શ્રીનગરની એક સ્થાનિક કોર્ટે ગુરુવારે (16 માર્ચ) કિરણને ન્યાયિક કસ્ટડીમાં મોકલી દીધો. આ વ્યક્તિ પોતાને પીએમઓ ઓફિસર ગણાવતો હતો.
શું કહ્યું પોલીસે?
રિપોર્ટ્સ અનુસાર કિરણ પટેલ હોટલ લલિતના રૂમ નંબર 1107માં રહેતો હતો. તેમણે મધ્ય કાશ્મીરના બડગામ જિલ્લામાં સ્થિત દૂધપથરી સહિત કાશ્મીરના ઘણા સ્થળોની મુલાકાત લીધી હતી. આ દરમિયાન પટેલની સાથે એસડીએમ રેન્કના અધિકારી પણ હતા. પોલીસ વિભાગના સૂત્રોએ જણાવ્યું હતું કે, આરોપીની ઓળખ જગદીશ પટેલના પુત્ર કિરણ પટેલ તરીકે થઈ હતી. વર્ષ 2023ની FIR નંબર 19 નિશાત પોલીસ સ્ટેશનમાં નોંધવામાં આવી હતી. તેમાં લખવામાં આવ્યું હતું કે, 02-03-2023ના રોજ પોલીસ સ્ટેશન નિશાતને મળેલી વિશ્વસનીય બાતમી પરથી જાણવા મળ્યું છે કે, છેતરપિંડી કરનાર ગુજરાતનો કિરણ પટેલ છે. કિરણ પટેલ પર આરોપ છે કે, તેણે લોકોને છેતર્યા છે. તે જોતા કિરણ વિરુદ્ધ આઈપીસીની કલમ 419, 420, 467, 468 અને 471 હેઠળ કેસ નોંધવામાં આવ્યો છે. કેસની વધુ તપાસ ચાલી રહી છે.
શું હતો સમગ્ર મામલો ?
જમ્મુ-કાશ્મીરમાં પોલીસે એક એવા ઠગની ધરપકડ કરી છે, જે પોતાને PMO ઓફિસર ગણાવતો હતો. ગુજરાતમાં રહેતા આ વ્યક્તિનું નામ કિરણ પટેલ છે. તે પોતાને PMOના એડિશનલ ડાયરેક્ટર તરીકે ઓળખાવતો હતો. આટલું જ નહીં ઠગ Z પ્લસ સિક્યોરિટી, બુલેટપ્રૂફ એસયુવીની સુવિધાઓ પણ લઈ ગયો હતો. તે હંમેશા ફાઈવ સ્ટાર હોટલમાં રહેતો હતો. પોલીસે શંકાના આધારે તપાસ કરી તો તે નકલી અધિકારી હોવાનું બહાર આવ્યું. તેની 10 દિવસ પહેલા ધરપકડ કરવામાં આવી હતી, પરંતુ તેને ગુપ્ત રાખવામાં આવી હતી. જોકે પોલીસે ગુરુવારે ધરપકડનો ખુલાસો કર્યો હતો.