હોટલમાં ઘૂસવા માટે યુવતીના આધારકાર્ડમાં થઈ હતી છેડછાડ
જો કે મેનેજરે સ્પષ્ટતા કરી આધાર કાર્ડમાં અમે કોઈ ચેડા કર્યા નથી
પોલીસના પ્રાથમિક તપાસમાં જામનગરની યુવતી અને કચ્છનો યુવાન જેમિસ દેવાયતા મામલે યુવતીના આધારકાર્ડમાં છેડાછાડ કરવામાં સામે આવ્યું છે. જો કે, આ મામલે હોટલના મેનેજરે પોલીસ સમક્ષ ચોંકાવનારો ખુલાસો કર્યો હતો.
આધાર કાર્ડમાં અમે કોઈ ચેડા કર્યા નથી- હોટલના મેનેજરનો ખુલાસો
રાજકોટની હોટલમાં તરુણીની હત્યાનો કેસમાં નોવા હોટલમાં મેનેજરે ચિંતન વેગડે નિવેદન આપતાં જણાવ્યું હતું કે, યુવક-તરુણી ગઈકાલે સવારે 9 વાગે આવ્યા હતાં. બાદમાં નિયમ મુજબ જ અમે રૂમ આપ્યો હતો. અમારી પાસે આધાર કાર્ડ છે તેમાં તરુણીની ઉંમર 19 વર્ષ છે. આધાર કાર્ડમાં અમે કોઈ ચેડા કર્યા નથી. ગત મોડી રાત્રે યુવકનો ભાઈ હોટલમાં આવ્યો હતો. અને હોટલના કર્મચારીઓ જાણ કરી હતી કે, જેમિસે એસિડ પીધું છે. ઉલ્લેખનીય છે કે, રાજકોટના કરણપરાની આ હોટલ અગાઉ પણ વિવાદોમાં આવી ચૂકી છે
હોટલમાં ઘૂસવા માટે યુવતીના આધારકાર્ડમાં થઈ હતી છેડછાડ
ઉલ્લેખનીય છે કે, પોલીસના પ્રાથમિક તપાસમાં બહાર આવ્યું હતું કે, હોટલમાં ઘૂસવા માટે જેમિસે યુવતીના આધારકાર્ડમાં છેડછાડ કર્યા. મહત્વનું છે કે, યુવતીના ઓરિજિનલ આધારકાર્ડમાં જન્મ 2005ના વર્ષમાં બતાવે છે, જ્યારે હોટલને ઝેરોક્સની નકલ આપી તેમાં જન્મનું વર્ષ 2003 બતાવે છે. હોટલમાં આપેલી ઝેરોક્સ નકલ પ્રમાણે યુવતીની ઉંમર 19 વર્ષ અને ઓરિજિનલ આધારકાર્ડમાં ઉંમર 17 વર્ષ થાય છે, આથી યુવતીને હોટલમાં લાવવા માટે જેમિસે આધારકાર્ડની ઝેરોક્સમાં છેડછાડ કરાવી હોવાનું જાણવા મળી રહ્યું છે. આ મામલે પોલીસે આધારકાર્ડમાં છેડછાડ ક્યાંથી થઈ અને કોણે કરી એ તપાસ હાથ ધરી છે.
શું છે સમગ્ર મામલો ?
રાજકોટના કરણપરા વિસ્તારમાં આવેલા નોવા હોટેલમાં આજે સવારે સગીરાની હત્યા કરી યુવકે આપઘાતનો પ્રયાસ કર્યો હોવાની ઘટના સામે આવતાં ભારે ખળભળાટ મચી ગયો હતો. જેમાં કચ્છનો યુવક અને જામનગરની સગીરાને હોટલ નોવાના રૂમ નંબર 301માં હત્યા કરી યુવકે એસિડ પીધું.જો કે, જેમિસે યુવતીની હત્યા અને પોતે એસિડ પીતાં પહેલાં પરિવારને જાણ કરી હતી. બાદમાં યુવકને સારવાર હેઠળ ખાનગી હોસ્પિટલે ખસેડાયો. હાલ પોલીસ આ મામલે તપાસનો ધમધમાટ શરૂ કર્યો છે.