રવિવારે કેન્દ્રીય કૃષિ અને કાપડ મંત્રાલયની સંયુક્ત બેઠક યોજાઈ હતી જેમાં કપાસ પકવતા ખેડૂતો અને કોટન ઈન્ડસ્ટ્રીઝની ફરિયાદો સાંભળવામાં આવી હતી.
કેન્દ્રીય કૃષિ અને કાપડ મંત્રાલયની મોટી બેઠક
સાંભળી કપાસના ખેડૂતો અને ઈન્ડસ્ટ્રીઝની ફરિયાદો
બેઠક બાદ કૃષિ મંત્રી તોમરનું નિવેદન
કપાસનું ઉત્પાદન વધારવા માટે લીધા નિર્ણય
કેન્દ્ર સરકારે કપાસના ખેડૂતોને પડતી મુશ્કેલીઓ સાંભળવા માટે એક મોટી બેઠક બોલાવી હતી. કેન્દ્રીય કૃષિ અને કાપડ મંત્રાલયના નેજા હેઠળ મળેલી બેઠકમાં કૃષિ તોમર અને કાપડ મંત્રી પિયુષ ગોયલ હાજર રહ્યાં હતા.
કપાસનું ઉત્પાદન વધારવામાં મદદ કરનાર નિર્ણય લીધો- કૃષિ મંત્રી તોમર
બેઠક બાદ કેન્દ્રીય કૃષિ મંત્રી તોમરે કહ્યું કે આજે કૃષિ અને કાપડ મંત્રાલય તથા બીજા કેટલાક વિભાગોની બેઠક મળી. બેઠકમાં અમે કપાસ પકવતા ખેડૂતો અને કોટન ઈન્ડસ્ટ્રીઝનો પક્ષ સાંભળ્યો હતો. અમે કેટલાક નિર્ણય લીધા છે જે કપાસનું ઉત્પાદન વધારવામાં મદદ કરશે.
Delhi | Today, there was a fruitful meeting of agriculture & textiles ministries, & some other depts. We heard the side of cotton-growing farmers, & cotton industry at large. We've taken some decisions that would help boost production of cotton:Union Minister Narendra Singh Tomar pic.twitter.com/qCdvXZFcx2
વિવિધ મંત્રાલયો અને વિભાગોની મોટી બેઠક
કપાસની ઉત્પાદકતામાં સુધારો કરવા અને ભારતીય કપાસના બ્રાન્ડિંગ પર સુતરાઉ ટેક્સટાઇલ વેલ્યુ ચેઇનના હોદ્દેદારો સાથે આજે વાણિજ્ય ભવન નવી દિલ્હી ખાતે કૃષિ મંત્રી તોમર, કાપડ મંત્રી પિયુષ ગોયલ તથા દર્શના વી. જરદોશની ઉપસ્થિતિમાં એક ઇન્ટરેક્ટિવ બેઠક યોજાઈ હતી.
સરકાર કપાસના ખેડૂતોને કરશે સપોર્ટ- ગોયલ
કેન્દ્રીય ટેક્સટાઇલ મંત્રી પિયુષ ગોયલે જણાવ્યું હતું કે, ભારત માટે કોટનની ઉત્પાદકતામાં વૈશ્વિક માપદંડો અપનાવવાનો સમય આવી ગયો છે. તેમણે એમ પણ કહ્યું હતું કે, તમામ હિસ્સેદારોએ ખેડૂતોની આવક વધારવા માટે ભારતમાં કપાસની ઉત્પાદકતા વધારવા માટે શ્રેષ્ઠ પદ્ધતિઓ શેર કરવી જ જોઇએ. ખાનગી ક્ષેત્રએ ઉત્પાદકતા, ખેડૂત શિક્ષણ અને બ્રાન્ડિંગમાં સંશોધનને પ્રોત્સાહન આપવા માટે પ્રદાન કરવું પડશે, જેને સરકાર અનુરૂપ ટેકો પૂરો પાડશે. કોટન વેલ્યુ ચેઇનને મજબૂત કરવા માટે ખાનગી ક્ષેત્રોએ યુદ્ધનાં ધોરણે કામ કરવું પડશે. તેમણે વધુમાં ઉમેર્યું કે, આપણે આપણા પોતાના કપાસનું બ્રાન્ડિંગ કરવાની જરૂર છે જે ઉદ્યોગના સમાન યોગદાન દ્વારા સારી ગુણવત્તાની છે.
Delhi | By bringing together the 5 Fs: farm, fibre, fabric, fashion and foreign, we can double the earnings of the farmer, and also boost productivity and production. Farmers should also get irrigation facilities: Union Minister Piyush Goyal pic.twitter.com/B0CpQzX8S4
5 Fsથી ખેડૂતોની આવક વધશે
કાપડ મંત્રી ગોયલે કહ્યું કે 5 એફએસ લાવવાનો પ્લાન છે જેમાં ફાર્મ, ફાયબર, ફેબ્રિક, ફેશન અને ફોરેન સામેલ છે. અમે ખેડૂતોની આવક ડબલ કરી દઈશું અને ઉત્પાદન વધશે. ખેડૂતોએ સિંચાઈની સુવિધાનો પણ ઉપયોગ કરવો જોઈએ.
કપાસનું ઉત્પાદન વધારવા હાઈ ડેન્સિટી ફાર્મિંગ અને સૂક્ષ્મ સિંચાઈ મહત્ત્વપૂર્ણ
કૃષિ મંત્રી નરેન્દ્ર તોમરે જણાવ્યું હતું કે, દેશમાં રોજગારીની વૃદ્ધિ માટે કપાસના ઉત્પાદન અને ઉત્પાદકતામાં વૃદ્ધિ મહત્ત્વપૂર્ણ છે. તેમણે કહ્યું કે ઉત્પાદકતા વધારવા માટે ટૂંકા ગાળાની અને લાંબા ગાળાની વ્યૂહરચના પર કામ કરવાની જરૂર છે. તોમરે જણાવ્યું હતું કે, દેશનાં મોટાં વિસ્તારોમાં કપાસની ઉત્પાદકતા વધારવા માટે હાઈ ડેન્સિટી ફાર્મિંગ અને સૂક્ષ્મ સિંચાઈ મહત્ત્વપૂર્ણ છે.કપાસના મૂલ્યની સાંકળને લગતા મુખ્ય મુદ્દાઓ પર વિસ્તૃત ચર્ચા કરવામાં આવી હતી, જેમાં ઉદ્યોગના અગ્રણીઓ અને સરકારી અધિકારીઓ બંનેને સોંપવામાં આવેલા પરિણામલક્ષી લક્ષ્યાંકો પર વિસ્તૃત ચર્ચા કરવામાં આવી હતી.