આગાહી / ગુજરાતમાં જાણો ક્યારે બેસશે ચોમાસું અને કેટલા ટકા પડશે વરસાદ : હવામાન નિષ્ણાંત અંબાલાલ પટેલની મોટી આગાહી

• રાજ્યમાં વરસાદની લઈને અંબાલાલે કરી મોટી આગાહી
• આગામી 15મી જૂન બાદ સમગ્ર રાજ્યમાં થશે વરસાદનું આગમન
• ચાલુ વર્ષે શરૂઆતમાં ચોમાસુ સારૂં રહેશે- અંબાલાલ પટેલ

આ વર્ષે શરૂઆતમાં ચોમાસું સારૂં રહેશે- અંબાલાલ પટેલ

હવામાન નિષ્ણાંત અંબાલાલ પટેલે રાજ્યમાં વરસાદને લઇ આગાહી કરી છે. અંબાલાલેની આગાહી પ્રમાણે રાજ્યમાં 15 જૂન બાદ વરસાદ આવવાની શક્યતા છે. સાથે તેમણે જણાવ્યું કે, આ વર્ષે શરૂઆતમાં ચોમાસું સારૂં રહેશે. ઉપરાંત વેસ્ટર્ન ડિસ્ટબન્સની અસરનાં કારણે વાતાવરણમાં સતત પલટો જોવા મળી શકે છે. 11 મેથી 17 મે વચ્ચે આંધીના પ્રમાણમાં પણ વધારો થવાની સંભાવના છે. સાથે સૌરાષ્ટ્ર અને ઉત્તર ગુજરાતના ભાગોમાં પ્રી મોન્સૂન એક્ટિવિટી રહેશે. ઉપરાંત 18 મેથી 5 જૂન વચ્ચે અરબી સમુદ્રમાં હવામાનમાં પલટો આવવાની શક્યતા છે. જેને લઇ જૂનથી સપ્ટેમ્બર વચ્ચે 99 ટકા વરસાદ થવાની સંભાવના સેવાઈ રહી છે.

જૂનથી સપ્ટેમ્બર વચ્ચે 99 ટકા વરસાદ થવાની સંભાવના- અંબાલાલ પટેલ
 
મે મહિનાની શરૂઆત થતાની સાથે તડકો ધરખમ અગનગોળા વરસાવી રહ્યો છે. જેની વચ્ચે હવામાન નિષ્ણાંત અંબાલાલ પટેલે જણાવ્યું હતું કે, આ વર્ષે શરૂઆતમાં ચોમાસું સારૂં રહેશે. આ સાથે સાથે ચક્રવાત પણ દેખાશે. આ ચક્રવાતને પગલે ઘણા વિસ્તારોમાં જુન મહિનામાં વરસાદ પણ થશે. પહેલા તબક્કાનું ચોમાસુ જૂન મહિનાથી લઈને સપ્ટેમ્બર મહિના સુધી ચાલશે. જ્યારે બીજા તબક્કાનો ચોમાસું ઓક્ટોબર મહિનાના અંતથી લઈને ડિસેમ્બર મહિના સુધી ચાલશે. એટલે કે આ વર્ષનું ચોમાસું એકંદરે લાંબો રહેશે. આ સાથે સાથે વરસાદનું અનુમાન લગાવતા જણાવ્યું હતું કે, શરૂઆતમાં ચોમાસુ સારૂં રહેશે, જ્યારે જૂનથી સપ્ટેમ્બર વચ્ચે 99 ટકા વરસાદ થવાની સંભાવના સેવાઈ રહી છે.

વેસ્ટર્ન ડિસ્ટબન્સની અસરનાં કારણે વાતાવરણમાં રહેશે સતત પલટો- અંબાલાલ પટેલ 

બીજી બાજુ અંબાલાલે જણાવ્યું હતું કે, વેસ્ટર્ન ડિસ્ટબન્સની અસરનાં કારણે વાતાવરણમાં સતત પલટો આવી રહ્યો છે. 11 મેથી 17 મે વચ્ચે આંધીનું પ્રમાણ વધશે આ સાથે સૌરાષ્ટ્રના ભાગો ઉત્તર ગુજરાતના ભાગો પ્રી મોન્સૂન એક્ટિવિટી રહેશે. તેમજ 18 મેથી 5 જૂન વચ્ચે અરબી સમુદ્રમાં હવામાનમાં પલટો આવશે. જૂનથી સપ્ટેમ્બર વચ્ચે 99 ટકા વરસાદ થવાની સંભાવના છે.