બ્રિટનની રાજગાદી પર ઋષિ સુનકને જોઈ બાયડન પણ ખુશ થયા છે. તેમણે ગઈકાલે જણાવ્યું હતું કે, મને લાગે છે કે તેઓ જ્યારે કિંગ સાથે મુલાકાત કરશે ત્યારે ખરેખર અદભૂત ક્ષણ હશે, આ એક મિલનો પથ્થર સાબિત થશે.
મૂળ ભારતના ઋષિ સુનક હવે અંગ્રેજો પર કરશે રાજ
ભારતની સાથે અમેરિકામાં પણ જોવા મળી ખુશી
વ્હાઇટ હાઉસમાં દિવાળી ઉજવણીમાં જો બાયડને આપ્યું મોટું નિવદન
ગઇકાલે લંડનના પ્રધાનમંત્રી આવાસ પર ભારતવંશીના આગમનને લઈને દિવાળીની રોનક હતી, મૂળ ભારતના ઋષિ સુનક હવે અંગ્રેજો પર રાજ કરશે. જે બ્રિટને ભારતને 200 વર્ષ સુધી ગુલામ બનાવીને રાખ્યું, આજે તે જ બ્રિટન સંકટના સમયમાં છે અને જવાબદારી ભારતવંશીના હાથમાં આપવામાં આવી છે. ભારતની સાથે સાથે અમેરિકામાં આ મામલે ખુશી જોવા મળી.
અમેરિકાના વ્હાઇટ હાઉસમાં રાષ્ટ્રપતિ જૉ બાયડને દિવાળીનું ઉજવણી કરી જેમાં અનેક લોકો હાજર હતા, તેમણે કહ્યું કે રોશનીનો આ પર્વ યાદ અપાવે છે કે દરેકની પાસે અંધકારને દૂર કરી દુનિયામાં ઉજાશ ફેલાવવાની તાકાત છે. તેમણે કહ્યું કે યુકેથી સમાચાર આવી રહ્યા છે કે ઋષિ સુનક પ્રધાનમંત્રી બની રહ્યા છે. મને લાગે છે કે તેઓ જ્યારે કિંગ સાથે મુલાકાત કરશે ત્યારે ખરેખર અદભૂત ક્ષણ હશે, આ એક મિલનો પથ્થર સાબિત થશે.
મૂળ ભારતીય છે કમલા હેરિસ
નોંધનીય છે કે અમેરિકામાં પણ કમલા હેરિસ વાઇસ પ્રેસિડેન્ટ છે જે મૂળ ભારતીય છે, ઈતિહાસમાં પહેલીવાર કોઈ મૂળ ભારતીય અમેરિકાના આટલા મોટા પદ સુધી પહોંચી શક્યું છે.
તહેવાર આપણને એકબીજાની સાથે જોડીને રાખે છેઃ બાયડન
બાયડને કહ્યું કે દિવાળીને અમેરિકાની સંસ્કૃતિનો હિસ્સો બનાવવા માટે આપ સૌનો ખૂબ ખૂબ આભાર. દિવાળી પર અમેરિકામાં લોકો એકબીજાને ગિફ્ટ આપે છે, ફેમિલી અને મિત્રો માટે ભોજન સંભારંભ રાખવામાં આવે છે. આ તહેવાર આપણને એકબીજા સાથે જોડીને રાખે છે.