આજે પશ્ચિમ બંગાળની ભવાનીપુર વિધાનસભા સીટ પર પેટા ચૂંટણી પર બધાંની નજર ટકેલી છે. આ સીટ પર પર પશ્ચિમ બંગાળના મુખ્યમંત્રી મમતા બેનર્જી પોતે ચૂંટણી લડી રહ્યા છે.
આજે પશ્ચિમ બંગાળમાં એક સીટ પર લડી રહ્યા છે મમતા દીદી
ભવાનીપુર વિધાનસભા સીટ પર પેટા ચૂંટણી
પ્રિયંકા ટીબરેવાલ ટક્કર આપશે
આજે પશ્ચિમ બંગાળની ભવાનીપુર વિધાનસભા સીટ પર પેટા ચૂંટણી પર બધાંની નજર ટકેલી છે.
આ એક સીટ એટલા માટે વિશેષ છે કારણ કે તેના પર પશ્ચિમ બંગાળના મુખ્યમંત્રી મમતા બેનર્જી પોતે ચૂંટણી લડી રહ્યા છે. જ્યાં તેમણે ભાજપના પ્રિયંકા ટીબરેવાલ ટક્કર આપી રહ્યા છે.
ભાજપના આરોપ
ભાજપના પ્રિયંકા ટીબરેવાલ દ્વારા આરોપ લગાવવામાં આવ્યો હતો કે ટીમસી વિધાયક મદન મિત્રા દ્વારા જબરદસ્તી વોટિંગ મશીન બંધ કરાવવામાં આવી રહ્યા છે. અને બુથ કેપ્ચરીંગના પ્રયાસ કરવાંમાં આવી રહ્યા છે. તેમણે કહ્યું હતું કે તૃણમૂલને એવું લાગે છે કે જો લોકોએ વોટિંગ કર્યું તો તો તેમનું ધાર્યું પરિણામ નહીં આવે.
પશ્ચિમ બંગાળની ભવાનીપુર વિધાનસભા સીટ પર પેટા ચૂંટણીને ધ્યાનમાં રાખી આ વિસ્તારમાં સુરક્ષાની પાક્કી વ્યવસ્થા કરવામાં આવી છે અને કેન્દ્રીય દળોની 15 કંપનીઓ તૈનાત કરવામાં આવી છે. એક વરિષ્ઠ પોલીસ અધિકારીએ બુધવારે આ જાણકારી આપી. તેમણે કહ્યું કે જે મતદાન કેન્દ્રો પર આજે મતદાન થવાનું છે. તેના 200 મીટરના દાયરામાં સીઆરપીસીની કલમ 144 લગાવવામાં આવી છે.
દક્ષિણ કોલકત્તાની ભવાનીપુર સીટની પેટા ચૂંટણીમાં તૃણમૂલ કોંગ્રેસ તરફથી મુખ્યમંત્રી મમતા બેનર્જી ઉમેદવાર છે જ્યારે ભાજપાએ પ્રિયંકા ટિબરેવાલ અને માર્ક્સ વાદી કોમ્યૂનિસ્ટ પાર્ટી (માકપા)ની શ્રીજીવ વિશ્વાસને મેદાનમાં ઉતાર્યા છે. ભવાનીપુરમાં 97 મતદાન કેન્દ્રોના 287 મતદાન સ્થળોમાંથી પ્રત્યેક પર કેન્દ્રીય દળના જવાનો તૈનાત કરવામાં આવશે. બૂથની બહાર સુરક્ષાની દોર કોલકત્તા પોલીસ અધિકારીઓના હાથમાં હશે. કોલકત્તા પોલીસે એક આદેશમાં કહ્યું કે કોઈ પણ મતદાન કેન્દ્રના 200 મીટરના દાયરામાં 5 અથવા તેનાથી વધારે લોકોને એકત્ર કરવાની પરવાનગી નહીં હોય. પત્થર હથિયાર, ફટાકડા અથવા અન્ય વિસ્ફોટક સામગ્રી લાવવા પર પ્રતિબંધ લગાવ્યો છે.
બનાવવામાં આવી 38 પોલીસ ચોકી
અધિકારીએ જણાવ્યું કે ભવાનીપુરમાં 38 સ્થાનો પર પોલીસ ચોકી બનાવવામાં આવી છે. તેમણે જણાવ્યું કે મતદાન માટે મોટી સંખ્યામાં સુરક્ષાકર્મી તૈનાાત કરવામાં આવશે. તેમણે જણાવ્યું કે ભવાનીપુર પેટા ચૂંટણીમાટે એક અતિરિક્ત પોલીસ આયુક્ત ઉપરાંત ચાર સંયુક્ત પોલીસ આયુક્ત 14 ઉપાયુક્ત અને તેમની મદદથી સહાયક આયુક્ત તૈનાત કરવામાં આવશે. અધિકારીએ કહ્યું કે અમે 3 વધારાના કન્ટ્રોલ રુમ બનાવ્યા છે. ઈવીએમને પહોંચાડવા માટે 141 વિશેષ વાહનોનું મેનેજમેન્ટ કરવામાં આવ્યું છે. શહેરમાં રોકાઈ રોકાઈન વરસાદ થવાના કારણે તમામ પોલીસ કર્મીઓને રેનકોટ અને છત્રી રાખવાનું કહેવામાં આવ્યું છે.