યોજના / હવે એરપોર્ટ પર યોજાશે ભવ્ય લગ્ન સમારોહથી લઇ મ્યુઝિકલ નાઈટ્સ, આ એરોડ્રામની શુભ શરૂઆત

બેંગલુરુ કેમ્પેગૌડા ઈન્ટરનેશનલ એરપોર્ટના પરિસરમાં બહુ જલ્દી લગ્ન સમારંભ (marriage function), મ્યુઝિકલ કૉન્સર્ટ અને એવૉર્ડ સેરેમની પણ આયોજિત કરવામાં આવશે. હાલની યોજના અનુસાર 9,000 લોકોની ક્ષમતાવાળા એક એરીનાનું નિર્માણ કરવામાં આવે છે. આ માટે એરપોર્ટ પર 6.3 એકરમાં કૉન્સર્ટ એરીના પણ બનાવવામાં આવશે. આ યોજના સફળ થયા બાદ દેશના અન્ય એરપોર્ટ પર પણ આ પ્રયોગ કરવામાં આવશે.

બેંગલુરુ ઈન્ટરનેશનલ એરપોર્ટને ટૂંક સમયમાં જ લગ્ન સહિતના પ્રસંગો માટે પણ ખોલવામાં આવશે. આ ઉપરાંત આ દેશનું એવું પહેલું ઈન્ટરનેશનલ એરપોર્ટ હશે, જે પોતાના
પરિસરમાં વિશ્વસ્તરના કૉન્સર્ટની યજમાની કરશે. એક અધિકારીના જણાવ્યા અનુસાર, પ્રારંભિક તબક્કામાં આ યોજના હેઠળ 9,000 લોકોની ક્ષમતાળા એરીનામાં લગ્નના ભવ્ય
સમારોહ, સંગીતના કાર્યક્રમો (મ્યુઝિકલ નાઈટ્સ) (musical nights), એવૉર્ડ સમારંભ અને પ્રદર્શનો જેવા અલગ અલગ પ્રકારના કાર્યક્રમો પણ યોજવામાં આવશે.

બેંગલુરુ ઈન્ટરનેશનલ એરપોર્ટમા પ્રવક્તાએ જણાવ્યું કે, બેંગલુરુમાં મનોરંજનના કાર્યક્રમોની સતત વધતી જતી માગણીને પહોંચી વળવા માટે એરપોર્ટમાં 6.3 એકર જમીનને અરીનામાં વિકસિત કરવામાં આવશે. આ પ્રોજેક્ટ પાછળ રૂપિયા 13,000 કરોડ ખર્ચવામાં આવશે. આ સમગ્ર પ્રક્રિયામાં નવા ટર્મિનલ, ત્યાં પહોંચવાનો રસ્તો પહોળો અને વધુ સુગમ કરવો અને મેટ્રો સુધી પહોંચવું પણ આસાન બનાવવા જેવા કામોનો સમાવેશ કરવામાં આવ્યો છે.

એરપોર્ટ મેનેજમેન્ટનું કહેવું છે કે, બેંગલુરુમાં હાલ મનોરંજનના ઈન્ટરનેશનલ લેવલના કાર્યક્રમોના આયોજન વધતા જાય છે. વિશ્વની ખ્યાતનામ સેલિબ્રિટીઓ પણ અહીં આવવા આતુર હોય છે. આ તમામ વાતોને ધ્યાનમાં રાખીને એરીના તૈયાર કરવાનો નિર્ણય લેવામાં આવ્યો છે.