દર્દનાક મોત / બેમેતરામાં દર્દનાક રોડ અકસ્માત, 13 વર્ષની માસૂમ બાળકી સહિત એક જ પરિવારના ચાર લોકોના કરૂણ મોત

• બેમેતરામાં  દર્દનાક રોડ અકસ્માત
• એક જ પરિવારના ચાર લોકોના મોત 
• કરૂણ દુર્ઘટનામાં ૧૩ વર્ષની બાળકીનું પણ મોત 

દર્દનાક રોડ અકસ્માતમાં ચાર લોકોના મોત

છત્તીસગઢના બેમેતરામાં એક દર્દનાક રોડ અકસ્માતમાં ચાર લોકોના મોત થયા હતા. જિલ્લાના જ એક ગામ હથીડોબમાં એક્ ફોરવ્હીલર દ્વારા મોપેડ પર જતાં લોકોને અડફેટે લેવાની ઘટના બની હતી. 

અજ્ઞાત ફોરવ્હીલર વાહન ચાલકે ટક્કર મારી 

બેમતરા જિલ્લાની આ કરૂણ ઘટનામાં ચાર લોકોનાં મોત થયા હતા. જિલ્લામાં હથીડોબ નામના ગામ ખાતે આ ઘટના બની હતી.  ૧૩ વર્ષની બાળકીનું મોત થયું હતું.  જાણકારી અનુસાર ધમધા ગંડઇ માર્ગમાં મંગળવાર બુધવાર દરમિયાન રાત્રે એક અજ્ઞાત ફોરવ્હીલર વાહન ચાલકની બેદરકારીના કારણે મોપેડ સવાર ચાર લોકો અડફેટે ચડયા હતા. આ ઘટનામાં ચૈતરામ પટેલ તેમની પત્ની સેવયંતી બાઈ અને તેના ભાણાનું મોત ઘટના સ્થળે જ થઈ ગયું હતું . તેમની જ સાથે ૧૭ વર્ષની કુલેશ્વરી ગંભીર હાલતમાં હોસ્પિટલ લઈ જવામાં આવી હતી. જ્યાંથી તેણીને હાયર સેન્ટર રેફર કરવામાં આવી હતી. જ્યાં ઉપચાર માટે હોસ્પિટલમાં તેણીનું મોત થયું હતું. 

અત્યંત કરૂણ દુર્ઘટના 
ઘટનાની જાણકારી ત્યાં હાજર ગ્રામજનોએ આપી હતી કે મોપેડ પર સવાર ચાર વ્યક્તિમાંથી મહીલ પોતે ગંભીર હાલતમાં હતી. જ્યારે બાળકનું તો ઘટના સ્થળે જ મોત થઈ ગયું હતું. 

ચૈતુરામનો મૃતદેહ ઘટના સ્થળની પાસે ૨૫૦ મીટર દૂર મળ્યો હતો. ઘટના સ્થળેથી લઈને બોડી જ્યાં મળ્યું ત્યાં સુધી લોહી ફેલાયેલું હતું. જેના પરથી બોડીના ઘસડાવાના નિશાન સ્પષ્ટ જોઈ શકાતા હતા. મૃતક પરિવાર પરપોડી તરફથી ગાતાપાર જઇ રહ્યા હતા. 

મૃતક બે દીકરાનો બાપ 

આંધીયરા બગીચા પાસે પરપોડિ ધમધા રોડ પર સામેની તરફથી આવતી આ અજ્ઞાત ફોર વ્હીલર ચાલકે મોપેડને ટક્કર મારી અને એક્સિડેન્ટ કરી દીધો હતો. અને પછી તે પરપોડિ તરફ નાસી ગયો હતો. 

ગામના ખેડૂત પરિવારના પટેલ દંપતી અને તેના ભાણાના મોતથી અને ગામની એક જ બાળકીના મોત બાદ માતમ છવાઈ ગયો હતો. એવું પણ જાણવા મળ્યું હતું કે ચૈતરામ તેના માં-બાપનો એકનો એક દીકરો છે. તેના બે દીકરા પણ છે.