IPL 2021 / IPL પહેલા ધોનીનો આ ખાસ લૂક થયો સોશ્યલ મીડિયામાં વાયરલ, સામે આવી ખાસ તસવીર

• IPL પહેલા ધોનીનો ખાસ લૂક થયો સોશ્યલ મીડિયામાં વાયરલ
• સ્ટાર સ્પોર્ટ્સે શેર કર્યો ધોનીનો ખાસ લૂક
• બૌદ્ધ ભિક્ષુકના કપડામાં ધોનીનો લૂક થઈ રહ્યો છે વાયરલ
   

ભારતીય ક્રિકેટ ટીમના પૂર્વ કપ્તાન મહેન્દ્ર સિંહ ધોની ખાસ કરીને પોતાની હેર સ્ટાઈલના કારણે ચર્ચામાં રહ્યા કરે છે. ક્યારેક તે લાંબા વાળના લૂકમાં જોવા મળે છે તો ક્યારેક નાના વાળમાં. પણ અત્યારે તેમનો જે લૂક સામે આવ્યો છે તે એકદમ અલગ છે. ખાસ કરીને આઈપીએલના ઓફિશિયલ બ્રોડકાર્સ્ટર સ્ટાર સ્પોર્ટ્સે પોતાના ટ્વિટર એકાઉન્ટ પર ધોનીનો એક ફોટો શેર કર્યો છે. તેમાં તેઓ માથું મુંડાવેલા અને બૌદ્ધ ભિક્ષુક જેવા કપડા પહેરેલા જોવા મળી રહ્યા છે. ધોનીનો આ ફોટો સામે આવતા જ સોશ્યલ મીડિયા પર વાયરલ થઈ રહ્યો છે. 

😮😮😮 - our faces since we saw #MSDhoni's new avatar that could just break the Internet! 🙊What do you think is it about? pic.twitter.com/Mx27w3uqQh

— Star Sports (@StarSportsIndia) March 13, 2021

આ ફોટો ક્યાંનો છે તેનો અંદાજ લગાવી શકાતો નથી
ધોનીનો આ ફોટો ક્યાંથી લેવાયો છે તેને વિશે કોઈ માહિતી મળી રહી નથી, આ ફોટો આઈપીએલ 2021ની સાથે જોડાયેલી એક જાહેરાતના શૂટિંગનો ભાગ હોઈ શકે છે. ફોટોની સૌથી નીચે કોઈ માર્શલ આર્ટ્સ ટ્રેનિંગ કેમ્પના વિશે લખ્યું છે. 2 દિવસ પહેલાં જ 39 વર્ષના ધોનીને ચેન્નઈ સુપર કિંગ્સના ટ્રેનિંગ સેક્શનના સમયે વાળમાં જોવા મળ્યા હતા. પણ અચાનક તેમનો આ અવતાર સામે આવ્યો છે. જો કે ફેન્સને ધોનીનો આ લૂક ખૂબ જ પસંદ છે. 

 

 

 

 

View this post on Instagram

 

 

 

 

 

 

 

 

 

 

 

A post shared by Chennai Super Kings (@chennaiipl)

ધોનીની ટીમે આઈપીએલની તૈયારીઓ શરૂ કરી છે
આ સાથે જ તમને જણાવી દઈએ કે ધોનીની ટીમ ચેન્નઈ સુપર કિંગ્સે આ વર્ષના આઈપીએલના માટેની તૈયારીઓ શરૂ કરી છે. ધોની પોતે પણ ટીમને આ વર્ષે ચેમ્પિયન બનાવવા માટે નેટ્સ પર પ્રેક્ટિસ કરી રહ્યા છે. 2 દિવસ પહેલાં જ સીએસકેના ઓફિશિયલ ઈન્સ્ટાગ્રામ પર પેજ પર એક વીડિયો શેર કર્યો હતો. જેમાં ધોની લાંબી છલાંગ મારતા નજરે ચઢે છે. 

ગયા આઈપીએલમાં સીએસકે પ્લેઓફમાં પણ પહોંચી ન હતી
ઉલ્લેખનીય છે કે આઈપીએલ 2020માં ચેન્નઈ સુપર કિંગ્સ પોતાની તાકાત દેખાડી શકી ન હતી. ટીમ આઈપીએલ ઈતિહાસમાં પહેલી વાર પ્લેઓફમાં પહોંચી ન શકી. ધોની પણ અસફળ રહ્યા હતા. ધોનીના છેલ્લા સીઝનમાં 14 મેચમાં 25ના આધારે 116.27ની સ્ટ્રાઈક રેટથી 200 રન બનાવ્યા હતા. જો ચેન્નઈને આ સીઝનમાં પરત આવવું છે તો ધોનીની ફોર્મ મુખ્ય રહેશે. ધોની આઈપીએલમાં 136.75ની સ્ટ્રાઈક રેટથી 4623 રન બનાવી ચૂક્યા છે. તેમાં 23 અર્ધશતક સામેલ છે. સીએસકે આ વર્ષે આઈપીએલની પહેલી મેચ 10 એપ્રિલે કેપિટલ્સની સામે રમશે. આ મેચ મુંબઈના વાનખેડે સ્ટેડિયમમાં યોજાશે.