જરૂરી વાત / તમે પણ લીધી છે LICની પોલિસી તો રહો સાવધાન, નહીં તો ડૂબી જશે બધા જ પૈસા, જાણો કેમ?

• LICએ પોતાના ગ્રાહકો માટે જાહેર કર્યું એલર્ટ
• ફ્રોડની વાતોમાં આવીને ન કરો આ કામ 
• LICના ગ્રાહકોને આવી રહ્યા છે આવા કોલ્સ 

LIC પોતાના ગ્રાહકોને ફ્રોડથી બચાવવા માટે સમય સમય પર એક એલર્ટ જાહેર કરે છે. LICએ જણાવ્યા અનુસાર  ગ્રાહકોને કોલ પર ભ્રમિક કરવામાં આવે છે. અમુક ફ્રોડ LIC અધિકારી, એજન્ટ અથવા વિમા અધિકારી બનીને ગ્રાહકોને ફોન કરે છે. આ કોલમાં તે ઈન્શ્યોપન્સ પોલિસી સાથે સંબંધિત ફાયદાઓ જણાવે છે. આ પ્રકારે તે વર્તમાન પોલિસી સરેન્ડર કરવા માટે ગ્રાહકને રાજી કરી દે છે. 

LICએ પોતાના ગ્રાહકોને એલર્ટ રહેવા માટે કહ્યું છે. ગ્રાહક કોઈ પણ પ્રકારની પર્સનલ ઈન્ફોર્મેશન કોઈની પણ સાથે ફોન પર શેર ન કરે. આ ઉપરાંત જો કોઈ ગ્રાહકને કોઈ ભ્રામક કોલ્સ આવે છે તો તે [email protected] પર ઈ મેલ કરી ફરીયાદ દાખલ કરી શકે છે. 

નકલી કોલથી રહો સાવધાન 
LICએ પોતાની તરફથી જાહેર કરેલા એલર્ટમાં સ્પષ્ટ કહ્યું છે કે તે ગ્રાહક કોઈ પણ નંબર પરથી આવેલા ફોન કોલ્સને અટેન્ડ ન કરે. એલઆઈસીએ ગ્રાહકોને સુચન આપ્યું છે કે તે પોતાની પોલિસીને એલઆઈસીની ઓફિશ્યલ વેબસાઈટ પર રજીસ્ટર કરાવી લે અને ત્યાંથી દરેક જાણકારીઓ મેળવે. 

આ ઉપરાંત LICએ પોતાના ગ્રાહકોને ઘણી વાતોનું ધ્યાન રાખવાનું પણ કહ્યું છે. 

• કંપનીએ કહ્યું કે તે કોઈ એવા એજન્ટ પાસેથી જ પોલિસી ખરીદે જેની પાસે આઈઆરડીએ દ્વારા જાહેર કરવામાં આવેલું લાયસન્સ હોય અથવા અલઆઈસી દ્વારા જાહેર કરવામાં આવેલું આઈડી કાર્ડ હોય. 
• આ ઉપરાંત જો કોઈ ગ્રાહકને કોઈ ભ્રામક કોલ્સ આવે છે તો તે [email protected] પર ઈમેલ કરીને ફરીયાદ દાખલ કરી શકે છે. 
• ગ્રાહકોની પાસે LICની વેબસાઈટ પર જઈને ગ્રીવાંસ રિડ્રેસલ ઓફિસરની ડિટેલ્સ લો અને તેમની સાથે સંપર્ક કરવાનો વિકલ્પ છે.