દાવો / ગુજરાતમાં વધુ એક પેપરકાંડ ? વીર નર્મદ યુનિવર્સિટીના B.COM સેમેસ્ટર-6નું પેપર ફૂટ્યુ, જાણો શું લીધો નિર્ણય

• વીર નર્મદ યુનિવર્સિટીમાં પેપર ફૂટ્યું
• B.Comનું પેપર ફૂટ્યાનો યુનિવર્સિટીના સેનેટનો દાવો
• VNSGUનું B.Com સેમેસ્ટર-6નું પેપર ફૂટ્યાનો દાવો

પેપર ફૂટ્યુ. આ શબ્દ ગુજરાતમાં દર બે દિવસે સાંભળવા મળે. સરકારી નોકરીઓની પરીક્ષામાં પેપર ફૂટવાના કિસ્સા વધી રહ્યા છે.  ધોરણ 10નું પેપર હોય કે પછી અન્ય સ્પર્ધાત્મક પરીક્ષા. ત્યારે  રાજ્યમાં વધુ એક પેપર ફૂટ્યુ હોવાનુ સામે આવ્યુ છે.  વીર નર્મદ યુનિવર્સિટીમાં બીકોમનું સેમેસ્ટર 6નું  ઇકોનોમિક્સનું પેપર ફૂટ્યુ.  B.Comનું પેપર ફૂટ્યાનો યુનિવર્સિટીના સેનેટ સભ્ય ભાવેશ રબારીએ દાવો કર્યો છે. સેનેટ સભ્યનું કહેવુ છે કે કોચિંગ ક્લાસમાં એક દિવસ પહેલા પેપર મળ્યુ હતું. પેપર આપે તેના કલાક પહેલા પેપર ફૂટ્યાનો દાવો કરવામાં આવ્યો છે. 

'B.Aના બદલે ઇકોનોમિક્સનું પેપર આપી દીધુ હતું'

વીટીવી ન્યૂઝ દ્વારા સેનેટ સભ્ય ભાવેશ રબારી સાથે વાત કરવામાં આવી . તેઓએ નિવેદન આપતા જણાવ્યું કે  'આ પેપર એક દિવસ પહેલા લીક થયુ છે. હાલમાં બી.કોમ સેમેસ્ટર 6ની પરીક્ષા ચાલે છે. 19 તારીખે બીએનું પેપર હતુ ત્યારે વિદ્યાર્થીઓને ઇકોનોમિક્સનું પેપર આપી દેવામાં આવ્યું હતું.  કોમર્સ ફેકલ્ટીના ડીને આ ભૂલ છુપાવવા માટે પ્રશ્ન પત્ર પાછા લઇ લેવામાં આવે છેઅને વિદ્યાર્થીઓને કહેવામાં આવે છે કે આ અંગે કોઇને કહેતા નહી. વિદ્યાર્થીઓ દ્વારા મારા સુધી આ વાત પહોંચી ગઇ'

યુનિવર્સિટીના સત્તાધીશો હરકતમાં

આ સમગ્ર મામલો સામે આવતા યુનિવર્સિટીના સત્તાધીશો એક્શનમાં આવી ગયા હતા.  યુનિવર્સિટીના કુલપતિ દ્વારા પેપર રદ કરવામાં આવ્યું હતું. કુલ 5 પેપર રદ કરવામાં આવ્યા હતા. બાકીના પાંચેય પેપરની નવી તારીખ ટૂંક સમયમાં જાહેર કરાશે.

સળગતા સવાલ

ક્યાં સુધી ફૂટતા રહેશે પેપર?
શું પેપર ફૂટ્યા વિના પરીક્ષા યોજાય તે શક્ય જ નથી?
વિદ્યાર્થીઓના દુશ્મન કોણ છે?
શૈક્ષણિક સંસ્થાઓથી ક્યાં ભૂલ થાય છે?
વિદ્યાર્થીઓની મહેનત પર પાણી કોણ ફેરવે છે?
અંગત સ્વાર્થ માટે કોણ પેપર ફોડે છે?