વિચારણા / કોરોના તો ફરી વધ્યો, હવે IPLનું શું થશે? જાણો BCCIનો શું છે પ્લાન B

• દેશમાં કોરોના વાયરસનો હાહાકાર
• IPLની 15મી સિઝન માટે BCCI અન્ય વિકલ્પો પર વિચાર કરી રહી છે
• જો એપ્રિલ સુધીમાં કોરોનાના કેસો નહીં ઘટે તો અન્ય વિકલ્પો તપાસવા પડશે

IPLની 15મી સિઝન માટે BCCI પ્લાન બી પર કરી રહ્યું છે કામ

મીડિયા રિપોર્ટ મુજબ, હવે IPLની 15મી સિઝનમાં આવી કોઈ સમસ્યાનો સામનો ના કરવો પડે તેથી ભારતીય ક્રિકેટ કંટ્રોલ બોર્ડ અત્યારથી જ પ્લાન બી પર કામ કરી રહ્યું છે. જો એપ્રિલ સુધી દેશમાં કોરોનાના કેસો ઘટ્યા નહીં તો BCCIએ ફરીથી વિદેશમાં આયોજન કરવુ પડે તેવી નોબત આવી શકે છે. પરંતુ હવે UAEમાં નહીં રમાય. આ વખતે BCCIના પ્લાન Bમાં જે દેશોનું નામ આગળ ચાલી રહ્યું છે, તેમાંથી એક સાઉથ આફ્રિકા અને બીજુ શ્રીલંકા છે. સાઉથ આફ્રિકાને પહેલાં પણ એક વખત વર્ષ 2009માં BCCIને ટી-20 લીગને આયોજીત કરાવવાનો અનુભવ રહ્યો છે.

અમે દરેક વખતે માત્ર UAEના સથવારે ના રહી શકીએ: BCCI 

દેશમાં કોરોનાની વણસી રહેલી સ્થિતિને પગલે UAE છેલ્લાં 2 વર્ષથી BCCIના મોટા ક્રિકેટ આયોજનોની પહેલી પસંદ બનીને ઉભરી રહ્યું છે. તો IPL 2021ની બીજી હાફ રમવામાં આવી. પછી T20 વર્લ્ડ કપ 2021નું આયોજન પણ ત્યાં કરાવવામાં આવ્યું. પરંતુ હવે BCCIએ UAE સિવાય અન્ય વિકલ્પો પર વિચારવાનું શરૂ કરી દીધુ છે. મીડિયા રિપોર્ટસ મુજબ, બીસીસીઆઈના અધિકારીએ કહ્યું કે અમે દરેક વખતે ફક્ત UAEના સથવારે ના રહી શકીએ. અમારે અન્ય વિકલ્પ પણ તપાસવા પડશે. સાઉથ આફ્રિકા અને ભારતના સમયમાં જે ફરક છે, તે પણ ખેલાડીઓ અને ક્રિકેટ પ્રશંસકોને વધુ અનુકૂળ રહેશે.

સાઉથ આફ્રિકા યોગ્ય પસંદગી

દક્ષિણ આફ્રિકાના સમયથી ભારત 3 કલાક 30 મિનિટ આગળ છે. એટલેકે દક્ષિણ આફ્રિકામાં સાંજના 4 વાગ્યે પહેલો બોલ નખાશે. જ્યારે ભારતમાં સાંજે સાડા સાત થયા હશે. જેનાથી બ્રોડકાસ્ટના સમય પર પણ કોઈ વધુ ફરક પડશે નહીં અને મેચ યોગ્ય સમયે સમાપ્ત થઇ જશે. જેનાથી ખેલાડીઓને આરામ પણ મળશે.