ધર્મ / વસંત પંચમીએ આ મંત્રોનો જરૂર કરો જાપ: વિદ્યાર્થીથી લઈને નોકરિયાત-બિઝનેસમેનને મળશે સફળતા

• વસંત પંચમીના દિવસે કરો આ મંત્રનો જાપ
• માં સરસ્વતીની પૂજા કરવાથી બુદ્ધી અને ઐશ્વર્યની થાય છે પ્રાપ્તિ
• આ દિવસે જાપ કરવાથી નોકરી અને વેપારમાં થાય છે વધારો 

ક્યારે મનાવવામાં આવશે વસંત પંચમી? 

માઘ મહિનાના શુક્લ પક્ષની પાંચમે વસંત પંચમીનુ પર્વ મનાવવામાં આવે છે. આ વખતે આ શુભ તિથિ 26 જાન્યુઆરીએ ગુરૂવારે છે. વસંત પંચમીની સાથે આ વખતે ગણતંત્ર દિવસનો પર્વ પણ મનાવવામાં આવશે. ધાર્મિક માન્યતાઓ મુજબ, સૃષ્ટીના રચયિતા બ્રહ્માજીના મુખમાંથી વિદ્યા અને જ્ઞાનની દેવી માતા સરસ્વતીનુ પ્રાગટ્ય થયુ હતુ અને સૃષ્ટિને આ દિવસે ધ્વનિ પણ મળી હતી. આ સાથે આ દિવસથી વસંત ઋતુની શરૂઆત થાય છે. 

આ મંત્રથી દૂર થશે કારકિર્દીમાં અડચણો 

ઓમ શારદા માતા ઈશ્વરી મેં નિત સુમરિ તોય હાથ જોડ અરજી કરું વિદ્યા વર દે મોય |
વસંત પંચમીના દિવસે માતા સરસ્વતીની પૂજામાં આ મંત્રનો જાપ કરવાથી બળ, તેજ, જ્ઞાન, બુદ્ધી વગેરે પ્રાપ્ત થાય છે અને માતા સરસ્વતીનો આશીર્વાદ મળે છે. માં શારદાનો  આ મંત્ર ખૂબ ચમત્કારિક માનવામાં આવે છે. આ મંત્રના જાપથી કારકિર્દીમાં આવતી અડચણો દૂર થાય છે. 

આ મંત્રથી વેપારમાં થશે વધારો 

શારદા શારદાંભૌજવદના, વદનામ્બુજે |
સર્વદા સર્વદાસ્માકમં સન્નિધિમં સન્નિધિમં ક્રિયાત | 
વસંત પંચમીના દિવસે  માતા સરસ્વતીની પૂજા કર્યા બાદ આ મંત્રનો જાપ કરવાથી નોકરી અને વેપારમાં વધારો આવે છે અને સારા સંપર્ક બને છે. આ મંત્રનો તુલસીની માળાથી 108 વખત જાપ કરો. 

આ મંત્રોનો વસંત પંચમીએ કરો જાપ

સરસ્વતીનો બીજ મંત્ર 'ક્લીં' છે.
ઓમ એં ર્હીં ક્લીં મહાસરસ્વતી દેવ્યૈ નમ: |
સરસ્વતી ઓમ સરસ્વત્યૈ નમ: |
મહામાયા ઓમ મહમાયાયૈ નમ: |
શ્રીપદા ઓમ શ્રીપદાયૈ નમ: |
જ્ઞાનમુદ્રા ઓમ જ્ઞાનમુદ્રાયૈ નમ: |
પદ્માક્ષી ઓમ પદ્મા ક્ષ્નૈય નમ: |