ભારતીય રિઝર્વ બેંક દ્વારા જાહેર કરાયેલ માર્ચ 2022 માં બેંક રજાઓની યાદી અનુસાર, માર્ચ 2022 માં કુલ 13 દિવસ બંધ રહેશે. તે જ સમયે, આ સપ્તાહે સતત 4 દિવસ બેંકો બંધ રહેશે. ચાલો સંપૂર્ણ યાદી જોઈએ.
RBIએ જાહેર કરી છે બેન્ક હોલી ડે
આ અઠવાડિયે કુલ 4 દિવસ બંધ રહેશે બેન્ક
જાણો તમારા વિસ્તારમાં બેન્કો ચાલું છે કે બંધ
RBI દ્વારા જાહેર કરાયેલ માર્ચ 2022 માટે બેંક રજાઓની યાદી અનુસાર, બેંકો આ અઠવાડિયે 7 દિવસમાંથી 4 દિવસ બંધ રહેશે. જો તમે પણ બેંકને લગતું કોઈ કામ કરવા માંગો છો, તો બ્રાન્ચમાં જતા પહેલા બેંકની રજાઓની યાદી ચોક્કસ જોઈ લો. આરબીઆઈ દ્વારા જાહેર કરવામાં આવેલી આ યાદી અનુસાર માર્ચ 2022માં અલગ અલગ વિસ્તારમાં બેંકો કુલ 13 દિવસ માટે બંધ રહેશે.
બેંકો અઠવાડિયામાં 4 દિવસ બંધ રહેશે
17 માર્ચે દેહરાદૂન, કાનપુર, લખનૌ અને રાંચીમાં હોલિકા દહનના કારણે બેંકો બંધ
18 માર્ચે હોળી/ધુળેટી/ડોલ જાત્રાના કારણે બેંગલુરુ, ભુવનેશ્વર, ચેન્નાઈ, ઈમ્ફાલ, કોચી, કોલકાતા અને તિરુવનંતપુરમ સિવાયના સ્થળોએ બેન્કો બંધ રહેશે.
19 માર્ચે હોળી / યાઓસાંગના કારણે ભુવનેશ્વર, ઇમ્ફાલ અને પટનામાં બેન્ક બંધ રહેશે.
20 માર્ચ રવિવાર સાપ્તાહિક રજા
RBIએ જાહેર કરી છે લિસ્ટ
રિઝર્વ બેન્ક ઓફ ઈન્ડિયા જાન્યુઆરી મહિનામાં જ આખા વર્ષની રજાઓની લિસ્ટ જાહેર કરે છે. જેના કારણે કર્મચારીઓ અને ગ્રાહકોને કોઈ પણ પ્રકારની મુશ્કેલીઓનો સામનો ન કરવો પડે.
આરબીઆઈની યાદી અનુસાર માર્ચમાં બેંકોની કુલ 13 દિવસની રજાઓમાંથી 4 રજાઓ રવિવારની છે. પરંતુ આ સાથે જાણી લો કે એવી ઘણી રજાઓ છે જે આખા દેશમાં એક સાથે નહીં પડે એટલે કે આખા દેશમાં એક સાથે 13 દિવસ સુધી બેંકો બંધ નહીં રહે. RBIની વેબસાઈટ પર આપવામાં આવેલી રજાઓની યાદી અનુસાર, આ રજાઓ અલગ-અલગ રાજ્યોમાં છે. આરબીઆઈની માર્ગદર્શિકા અનુસાર, રવિવાર સિવાય મહિનાના બીજા અને ચોથા શનિવારે બેંકો બંધ રહે છે.