રજાઓ / દિવાળી બાદ પણ આટલા દિવસ સુધી બંધ રહેશે બેંકો, જોઈ લો લિસ્ટ નહીંતર પડશે ધક્કો

• દિવાળીમાં જોઈ લો બેંકોની રજાઓનું લિસ્ટ
• દિવાળી પછી પણ આટલા દિવસ બંધ રહેશે બેંકો

તમને જણાવી દઈએ કે દિવાળી બાદ પણ સતત બે દિવસ બેંક બંધ રહેશે. 15 અને 16 નવેમ્બરે બેંકો બંધ રહેશે. એટલે કે આ મહિનામાં ઘણાં તહેવારો છે, આ કારણે બેંકોમાં રજાઓ પણ વધારે છે. 20 અને 21 નવેમ્બરે છઠ્ઠ પર્વના કારણે બિહાર અને ઝારખંડમાં બેંકો બંધ રહેશે. આ ઉપરાંત 22 નવેમ્બર રવિવાર હોવાના કારણે તમામ રાજ્યોમાં બેંકોમાં રજા રહેશે. 

28. 29 અને 30 નવેમ્બરે પણ બેંકો બંધ રહેશે

આ ઉપરાંત 28 નવેમ્બરે ચોથો શનિવાર છે, જેના કારણે દેશભરની બેંકોમાં કામકાજ નહીં થાય. ચોથા શનિવારે બેંકો માટે સાપ્તાહિક રજા હોય છે. બીજી તરફ 29 નવેમ્બરના દિવસે રવિવાર હોવાથી તમામ બેંકો બંધ રહેશે. ત્યારબાદ 30 નવેમ્બરે ગુરૂનાનક જયંતી અને કાર્તિક પૂનમ છે તો આ દિવસે પણ બેંકોમાં રજા રહેશે. 

ભારતીય રિઝર્વ બેંકે ગ્રાહકોને નેટ બેન્કિંગ અને મોબાઇલ બેન્કિંગના માધ્યમથી પોતાના બેન્કિંગ કામ કરવા માટેની સલાહ આપી છે, પરંતુ જો તમને પણ કોઈ જરૂરી કામ છે તો તમે રજાના દિવસે બેંક જઈને ધક્કો ન ખાતાં.

નવેમ્બરમાં કેટલા દિવસ બેંકો બંધ રહેશેૉ

15 નવેમ્બર - રવિવાર (દરેક જગ્યાએ)
16 નવેમ્બર - દિવાળી (અમદાવાદ, બેલાપુર, બેંગલુરુ, ગંગટોક, કાનપુર, લખનઉ, મુંબઇ, નાગપુર)
17 નવેમ્બર - લક્ષ્મી પૂજા / દીપાવલી / નિંગોલ ચક્કૌબા (ગંગટોક, ઇમ્ફાલ)
18 નવેમ્બર - છઠ પૂજા (ગંગટોક)
20 નવેમ્બર - છઠ પૂજા (પટના, રાંચી)
21 નવેમ્બર - છઠ પૂજા (પટના)
22 નવેમ્બર - રવિવાર (દરેક જગ્યાએ)
23 નવેમ્બર - સેંગ કુત્સ્નેમ (શિલોંગ)
28 નવેમ્બર - ચોથો શનિવાર (દરેક જગ્યાએ)
29 નવેમ્બર - રવિવાર (દરેક જગ્યાએ)
30 નવેમ્બર - ગુરુ નાનક જયંતિ / કાર્તિક પૂર્ણિમા (આઈજવાલ, બેલાપુર, ભોપાલ, ભુવનેશ્વર, ચંડીગઢ, દહેરાદૂન, હૈદરાબાદ, જયપુર, જમ્મુ, કાનપુર, કોલકાતા, લખનઉ, મુંબઇ, નાગપુર, નવી દિલ્હી, પટણા, રાયપુર, શિમલા , શ્રીનગર)

આ રજાઓમાં અલગ-અલગ રાજ્યોમાં જાહેર કરવામાં આવેલી રજાઓ પણ સામેલ છે. આની સાથે જોડાયેલી અન્ય જાણકારી આપને ભારતીય રિઝર્વ બેંક ની વેબસાઇટ પર મળી જશે.