સંકટ / કપરી સ્થિતિ: બાંગ્લાદેશમાં છવાયો અંધારપટ, 14 કરોડ લોકોના ઘરોમાં વીજળી ગૂલ

• બાંગ્લાદેશમાં 14 કરોડ ઘરમાં અંધકાર છવાયો
• દેશના લગભગ 80 ટકા ભાગમાં વીજળી ગુલ
• ટેક્નિકલ ખામીના કારણે આવું થયું હોવાની આશંકા

બાંગ્લાદેશ સરકાર દ્વારા માહિતી આપવામાં આવી છે કે દેશના લગભગ 14 કરોડ લોકો અંધકારમાં જીવવા માટે મજબૂર છે. બાંગ્લાદેશના ઇલેક્ટ્રિસિટી ડેવલપમેન્ટ બોર્ડના જણાવ્યા અનુસાર, બપોરે 2 વાગ્યા પછી, લગભગ 80 ટકા દેશમાં અચાનક અંધારપટ છવાઇ ગયો હતો.

દેશના 80 ટકા ભાગમાં વીજળી ગુલ
બોર્ડના અધિકારીઓને જણાવવામાં આવ્યું હતું કે બાંગ્લાદેશના ઉત્તર-પશ્ચિમના કેટલાક સ્થળો સિવાય દેશના બાકીના ભાગોમાં વીજળી નથી. એવું કહેવામાં આવ્યું હતું કે 14 કરોડ કે તેથી વધુ લોકો વીજળી વિના છે. હાલમાં, પાવર કટોકટીના કારણો અંગે કોઈ સ્પષ્ટ માહિતી નથી. જો કે ટેક્નિકલ ખામીના કારણે આવું થયું હોવાની આશંકા છે.

About 140 million people in Bangladesh were without power today afternoon after a grid failure caused widespread blackouts, the government's power utility company said:AFP

— ANI (@ANI) October 4, 2022

મોટા પાવર કટનો સામનો કરી રહ્યું છે
જુનિયર ટેક્નોલોજી પ્રધાન જુનૈદ પલક ફેસબુક પર જણાવ્યું હતું કે રાજધાની ઢાકામાં રાત્રે 8 વાગ્યા સુધીમાં વીજળી પુનઃસ્થાપિત કરવામાં આવશે, જ્યાં 22 મિલિયનથી વધુ લોકો રહે છે. રશિયાના યુક્રેન પર આક્રમણ બાદ વૈશ્વિક ઉર્જાના ઊંચા ભાવને કારણે બાંગ્લાદેશે તાજેતરના મહિનાઓમાં મોટા પાવર કટોકટીનો સામનો કરવો પડ્યો છે.

આયાતી ઓઈલ માટેની ચુકવણી મુશ્કેલ
વીજળીની માંગને પહોંચી વળવા માટે પૂરતા આયાતી ડીઝલ અને ગેસની ચૂકવણી કરવા માટે સંઘર્ષ કરી રહેલા દક્ષિણ એશિયાઈ રાષ્ટ્રમાં લાંબા સમય સુધી અંધારપટ પર લોકોનો ગુસ્સો વધુ તીવ્ર બન્યો છે. બાંગ્લાદેશમાં છેલ્લે નવેમ્બર 2014માં એક મોટું અનિશ્ચિત અંધારપટ જોવા મળ્યું હતું, જ્યારે લગભગ 70 ટકા દેશ લગભગ 10 કલાક સુધી વીજળી વિના હતો.