VIDEO: ડેરીમાં દૂધ ભરવા જેવા નજીવા મામલે તિક્ષ્ણ હથિયાર સાથે 2 જૂથ બાખડ્યા

બનાસકાંઠામાં બે જૂથ વચ્ચે અથડામણ થયાના સમાચાર સામે આવ્યા છે. થરાદના ચૂડમેર ગામમાં ડેરી પર દૂધ ભરવાના નજીવા મામલે બે જૂથ આમને સામને આવી ગયા હતા. આ જૂથ અથડામણમાં તિક્ષ્ણ હથિયારથી હુમલો કરાતા ત્રણ લોકોને ઈજા થઈ હતી. જેથી ઈજાગ્રસ્તોને સારવાર માટે થરાદ સિવિલ હોસ્પિટલ ખાતે ખસેડાયા હતા.  

ઉલ્લેખનીય છે કે આ ઘટનાની જાણ નજીકના પોલીસ મથકે કરવામાં આવતા પોલીસ કાફલો ઘટના સ્થળે પહોંચ્યો હતો અને પ્રાથમિક તપાસ હાથ ધરી હતી જો કે કોઇ વિશેષ બનાવ ના બને તે માટે પોલીસે ચુસ્ત બંદોબસ્ત ગોઠવી દીધો હતો.