અકસ્માત / બનાસકાંઠાના ડીસા-લાખાણી હાઈવે ઉપર બસ-બાઈક વચ્ચે ગોઝારો અકસ્માત- 3 સગા ભાઈઓના મોત

• બનાસકાંઠાના ડીસા-લાખાણી હાઈવે ઉપર થયો અકસ્માત
• પ્રજાપતિ પરિવારના 3 સગા ભાઈઓનો જીવ ગયો
• બસ અને બાઈકની થઈ હતી ટક્કર

બનાસકાંઠાના ડીસા-લાખાણી હાઈવે ઉપર એક ગોઝારો અકસ્માત સર્જાયો હતો જેમાં 3 સગા ભાઈઓના મોત થતા અરેરાટી ફેલાઈ ગઈ હતી. 

આજે વહેલી સવારે લાખણી તાલુકાના લાખણી ગેળા પાસે બાઈક અને લકઝરી બસ વચ્ચે ગમખ્વાર અકસ્માત સર્જાયો હતો. બાઈક અને લકઝરી બસ સામસામા અથડાતા 3 સગા ભાઈઓના ઘટના સ્થળે જ મોત નિપજ્યા હતા.

અકસ્માતને પગલે લોકોના ટોળેટોળા ઉમટી પડ્યા હતા. ઘટનાની જાણ થતા પોલીસકર્મીઓ પણ ઘટનાસ્થળે દોડી આવ્યા હતા. આ અંગે પોલીસે અકસ્માતનો ગુનો નોંધીને વધુ તપાસ હાથધરી છે. આ ગોઝારા હાઈવે ઉપર થયેલા અકસ્માતમાં લાખાણી તાલુકાના લાલપુર ગામના 3 સગા ભાઈઓના મોત થતા ગામમાં આક્રંદ મચી ગયો હતો. 

પ્રજાપતિ પરિવારના ત્રણ ત્રણ ચિરાગ એક સાથે બુઝાઈ જતા ગામમાં સજજડ શોક

રમેશભાઈ લાધાજી પ્રજાપતિ

મુકેશભાઈ લાધાજી પ્રજાપતિ

ચકાભાઈ લાધાજી પ્રજાપતિ