દુ:ખદ / એશિયાની બનાસ ડેરીનું રાજકારણ ગરમાયુ: દૂધ મંડળીના મંત્રીનો આપઘાતનો પ્રયાસ, આરોપ સત્તાધારીઓ પર

• બનાસડેરીની ચૂંટણીનો મામલો
• દૂધ મંડળીના મંત્રીનો આપઘાતનો પ્રયાસ
• સત્તાધીશો દબાણ કરતા હોવાનો ઉલ્લેખ

બનાસ ડેરી ની ચુંટણી ને લઇ દિવશે ને દિવશે રાજકારણ ગરમાતું જોવા મળી રહ્યું છે.. એકબાજુ બનાસડેરી ની ચુંટણી માં 16 બેઠકો માં થી 9 બેઠકો બિન હરીફ થઈ છે.ત્યારે  બાકી રહેલી 7 બેઠકો માટે હાલ ઉમેદવારો દ્વારા  જીત માટે ના તમામ પ્રયાસો કરાઇ રહ્યા છે. ત્યારે આ ચુંટણી માં હાલ આક્ષેપ પ્રતિ આક્ષેપ ચાલી રહ્યા છે. ત્યારે વડગામ તાલુકાના ઇકબાલગઢ દૂધ મંડળીના મંત્રીએ આપઘાતનો પ્રયાસ કરતા સહકાર ના રાજકારણ માં દોડધામ મચી છે.

ઇકબાલગઢ દૂધ મંડળીના મંત્રીએ ઝેરી દવા પીને આપઘાતનો પ્રયાસ કરતા ગ્રામજનો અને કુટુંબીજનો સારવાર અર્થે પાલનપુર ખાનગી આઈસીયુમાં લાવ્યા હતા જોકે મંત્રીએ કેમ આપઘાત કર્યો એ સમગ્ર બાબતોનું સુસાઇડ નોટમાં ઉલ્લેખ કર્યો છે.

જેમાં વડગામ તાલુકામાં જે પ્રકારે અત્યારે બનાસડેરીની ચૂંટણી ચાલી રહી છે અને વોટ મેળવવા માટે બનાસ ડેરીના સત્તાધીશોએ તેમજ ઉમેદવાર મંત્રી પાસે  દબાણ કરતા હતા તેમજ દૂધ મંડળી નો પગાર કાપી નાખવાની તેમજ મંડળીનું દાણ બંધ કરી દેવાના ધમકી આપતા હોવાનો આક્ષેપ કરી મંત્રીએ આપઘાતનું પગલું ભર્યું હોય તેવું સુસાઇટ નોટ માં ઉલ્લેખ કરવામાં આવ્યો છે. 

જોકે ઇકબાલગઢ ના દૂધ મંડળીના મંત્રીએ સુસાઇડ નોટમાં બનાસડેરીના અધિકારીઓ અને ચૂંટણી લડી રહેલા ઉમેદવાર સામે ધાકધમકીના આક્ષેપો કર્યા હતા અને સુસાઇડ નોટમાં તેમનો ઉલ્લેખ કર્યો છે.

જોકે આ સમગ્ર મામલે વડગામ બેઠક પર ચુંટણી લડતા દિનેશ ભટોળે આક્ષેપો તદ્દન વાહિયાત ગણાવ્યા હતા. વોટ માટે કોઈએ ધમકી નથી આપી આમાં મારી કોઈ ભૂમિકા નથી તેમજ આ મંત્રી ઇકબાલગઢ દૂધ મંડળી ના 20 લાખ થી વધારે રૂપિયા વાપરી નાખ્યા છે. જેનું બનાસડેરી માં ઓડિટ દરમ્યાન સામે આવ્યું છે.જે પૈસા ગામ લોકો ના છે અને તેનું આ મંત્રી ચુકવણું ના કરતા હોવાનું દિનેશ ભટોળે જણાવ્યું હતું. તેમજ વોટ માટે પ્રતિસ્પર્ધીઓ ગંદુ રાજકારણ કરી રહ્યા હોવાનો મત આપ્યો હતો