રાજનીતિ / માયાવતીએ ભાઇ આનંદને ફરી કેમ બનાવ્યો BSP અધ્યક્ષ..? આવું છે કારણ

ઉલ્લેખનીય છે કે, ઉત્તરપ્રદેશના લખનઉમાં બહુજન સમાજ પાર્ટીની બેઠકમાં ઘણાં મહત્વપુર્ણ નિર્ણય લેવાયા છે. આ બેઠકમાં માયાવતીએ પોતાના ભાઈ અને ભત્રીજાને નંબર 2 અને 3ની પોઝીશનવાળી પોસ્ટ આપી દીધી છે. બસપામાં સંગઠનિક સ્તરે પણ અનેક બદલાવ કર્યા છે. બસપા સુપ્રીમો માયાવતીના ભાઈ આનંદ કુમારને ફરી એકવાર પાર્ટીના રાષ્ટ્રીય ઉપાધ્યક્ષ બનાવાયા છે. 

માયાવતીએ ખુદે લીધો નિર્ણય
તો માયાવતીના ભત્રીજા આકાશ આનંદને રાષ્ટ્રીય સમન્વયકની જવાબદારી સોંપવામાં આવી છે. સાથે જ પાર્ટીમાં રાષ્ટ્રીય સ્તરે બે સમન્વયક બનાવાયા છે. આ સાથે દાનિશ અલી લોકસભામાં BSPના નેતા તો જૌનપુરના સાંસદ શ્યામસિંહ યાદવ લોકસભામાં BSPના ઉપનેતા હશે. જ્યારે પાર્ટીના વરિષ્ઠ નેતા સતીશચંદ્ર મિશ્ર રાજ્યસભામાં BSPના નેતા હશે. આ બેઠકમાં BSPના તમામ નેતાઓને બોલાવવામાં આવ્યા હતા. નેતાઓની સાથે બેઠકમાં પાર્ટી પ્રમુખ માયાવતીએ આ પદો માટે નિર્ણય લીધો હતો.

Danish Ali has been elected as the leader of BSP in Lok Sabha. Anand Kumar appointed as the Vice President of the party. Akash Anand and Ramji Gautam to be the National Coordinator of BSP. pic.twitter.com/s5FvENI98u

— ANI (@ANI) June 23, 2019

આપને જણાવી દઇએ કે, લોકસભા ચૂંટણી 2019ના પરિણામો બાદ માયાવતી આ મહિનામાં બીજી વખત પાર્ટી નેતાઓને મળ્યા હતા. માયાવતીએ આ બેઠકમાં પાર્ટીના સાધારણ કાર્યકર્તાથી લઈ સાંસદો સુધીના લોકોના મોબાઈલ ફોન, બેગ, ગાડીની ચાવી સહિતની વસ્તુઓ જમા કરાવવા આદેશ આપ્યો હતો. એટલું જ નહીં, મહિલાઓનાં આભૂષણો અને પુરુષોનાં જૂતાં-ચપ્પલ પણ બહાર ઉતારાયા હતા. 

યુવા દ્રષ્ટિકોણથી પાર્ટીને આગળ લઈ જવાનું કામ 
તેના માટે એક ખાસ કાઉન્ટર બનાવાયું હતું. જ્યાં બેઠકમાં સામેલ થનાર નેતાઓને સામાન જમા કરાવવા માટે કહેવાયું હતું. BSP ચીફના એલાન બાદ આકાશ આનંદ પાર્ટીને રાષ્ટ્રીય સ્તરે મજબૂત બનાવવા માટે કામ કરશે. જૂની પધ્ધતિથી કામ કરતી BSPમાં આકાશ આવ્યા બાદ ઘણા બદલાવ આવ્યા છે. આકાશ હવે યુવા દ્રષ્ટિકોણથી પાર્ટીને આગળ લઈ જવાનું કામ કરશે. . આમ હાલ આ નિમણૂક બાદ ફરીવાર પરિવારવાદની વાતો ઉઠી રહી છે.