ઓડિશા / કટકના ટી-બ્રિજ પર મોટી દુર્ઘટના, ઉત્તરાયણના મેળા ભાગદોડ થતાં 1 મહિલા ચગદાઈ, 9 ગંભીર અવસ્થામાં દાખલ

• ઓડિશામાં મકરસંક્રાંતિના મેળામાં અફરાતફરીનો માહોલ
• 1 મહિલાનું મોત, 9 લોકો ઘાયલ
• સીએમ દ્વારા મૃતકના પરીવારજનોને 5 લાખ રૂપિયાની સહાયની જાહેરાત

દેશભરમાં મકરસંક્રાંતિની ઉત્સાહ પૂર્વક ઉજવણી કરવામાં આવી હતી. ત્યારે મકરસંક્રાંતિની ઉજવણી વચ્ચે માઠા સમાચાર સામે આવ્યા છે  જેમાં ઓડિશામાં મકરસંક્રાંતિના મેળામાં અફરા તફરીનો માહોલ સર્જાતા 1 મહિલાનું મોત થયું છે. જ્યારે 9 લોકો ઘાયલ થયા હોવાનું સામે આવ્યું છે. સીએમ દ્વારા મૃતકના પરિવારજનોને 5 લાખ રૂપિયાની સહાયની જાહેરાત કરાઈ છે.

કટક જિલ્લાના બડમ્બા-ગોપીનાથપુર ટી બ્રિજની ઘટના

ઓડિશા રાજ્યના કટક જિલ્લાના બડમ્બા-ગોપીનાથપુર ટી બ્રિજ પાસે મકરસંક્રાંતિના મેળામાં અફરા તફરીનો માહોલ સર્જાયો હતો. આ બ્રિજ સિંહનાથ મંદિરની બંને બાજુઓને જોડે છે. જ્યા દર વર્ષે મકરસંક્રાંતિ મેળાનું આયોજન કરવામાં આવે છે.ત્યારે દર વર્ષની પરંપરા મુજબ લાખો શ્રદ્ધાળુઓ મેળામાં પહોંચ્યા હતા. આ દરમિયાન મેળામાં અફરાતફરી સર્જાતા કેટલાક બાળકો ઘાયલ થયા હતા. જેમાં એક મહિલાનું મોત થયું હોવાનું સામે આવ્યું છે.સૂત્રો દ્વારા મળતી વિગતો અનુસાર નાસભાગ દરમિયાન કેટલાક લોકો ગભરાઈ ગયા અને પુલ પરથી કૂદી પડ્યા હોવાનું પણ સામે આવ્યું છે.

#WATCH | Odisha: One dead, nine injured after a stampede occurred during Makar Mela rush at Singhanath Temple in Baramba, Cuttack.

One dead while nine were injured in incident, three were referred to another hospital in Cuttack: Dr Ranjan Kumar Barik, Baramba hospital pic.twitter.com/t5FM7nkPKw

— ANI (@ANI) January 14, 2023

ઘાયલ શ્રદ્ધાળુઓને સારવાર અર્થે ખસેડાયા

 

બીજી તરફ અથાગઢના એસડીએમ હેમંત કુમાર સ્વૈને જણાવ્યું હતું કે, મેળામાં ભાગ લેવા માટે શનિવારે બપોરે લગભગ 2 લાખ લોકો અહીં એકઠા થયા હતા.  જેમાં મોટી સંખ્યામાં બાળકો અને મહિલાઓ હતી. મેળાની સાથે ભગવાન સિંહનાથની પૂજા કરવા માટે લોકો અહીં એકઠા થયા હતા.મેળામાં ઘાયલ થયેલા લોકોને તાત્કાલિક સામુદાયિક આરોગ્ય કેન્દ્રમાં ખસેડવામાં આવ્યા હતા. ત્યારબાદ અમુક લોકોની સ્થિતિ ગંભીર થતા એમસીબી મેડિકલ કેલેજમાં ખસેડાયા હતા. જ્યા કાયદો અને વ્યવસ્થાની સ્થિતી જાળવવા પણ સબંધિત વિભાગ દ્વારા સ્ટાફ તૈનાત કરાયો હતો.