ડિરેક્ટર એસએસ રાજામૌલીની બ્લોકબસ્ટર ફિલ્મ બાહુબલીઃ ધ બિગનિંગની રિલીઝના 5 વર્ષ પૂરા થઈ ગયા. ફિલ્મના લીડ એક્ટર પ્રભાસે 5 વર્ષ પૂરા થવા પર તેના સોશિયલ મીડિયા એકાઉન્ટ પર એક સ્પેશિયલ વીડિયો પોસ્ટ કરીને સેલિબ્રેશન કર્યું છે.
પ્રભાસે તેના ઈન્સ્ટાગ્રામ એકાઉન્ટ પર ફિલ્મ સાથે જોડાયેલી એક તસવીર શેર કરી છે અને લખ્યું છે કે, આ એ ટીમ માટે છે જેણે પાંચ વર્ષ પહેલાં જાદુ કર્યો હતો. બાહુબલીઃ ધ બિગનિંગના 5 વર્ષની ઉજવણી કરવામાં આવી રહી છે. આ સાથે પ્રભાસે તેલુગુ ભાષામાં ફિલ્મનો એક વીડિયો પણ શેર કર્યો છે, જેમાં ફિલ્મના કેટલાક સીન જોવા મળી રહ્યા છે. વીડિયો સાથે તેણે લખ્યું કે, નોસ્ટાલ્જિક ફીલ કરી રહ્યો છું.
ફિલ્મ બાહુબલીઃ ધ બિગનિંગને તમિલ અને તેલુગૂમાં શૂટ કરવામાં આવી હતી. સાથે જમલયાલમ અને હિંદીમાં ડબ કરાઈ હતી. 10 જુલાઈ 2015ના રોજ રિલીઝ થયેલી આ ફિલ્મે ભારતમાં સૌથી વધારે અને દુનિયામાં ત્રીજી સૌથી વધારે કમાણી કરનારી ભારતીય ફિલ્મ બની હતી. આ સાથે દક્ષિણ ભારતમાં સૌથી વધારે કમાણી કરનારી ફિલ્મ હતી. આ ફિલ્મના હિંદી ડબ્ડ વર્ઝને પણ ઘણાં રેકોર્ડ તોડી દીધા હતા.
ફિલ્મમાં બાહુબલીઃ ધ બિગનિંગમાં પ્રભાસ ઉપરાંત રાણા દગ્ગુબાટી, તમન્ના ભાટિયા, રામ્યા કૃષ્ણન, અનુષ્કા શેટ્ટી, સત્યરાજ અને નાસાર મહત્વપૂર્ણ ભૂમિકામાં હતા. આ ફિલ્મની કહાની એક કાલ્પનિક રાજ્ય માહિષ્મતીના રાજ પરિવાર પર આધારિત હતી. જેમાં સત્તા અને સિંહાસન માટે ષડયંત્ર અને સંઘર્ષ બતાવવામાં આવ્યો છે.