ફિલ્મજગત / શું આયુષ્માનની ફિલ્મ ડોક્ટર જી જશે ફ્લોપ? પાંચમે દિવસે બોક્સ ઑફિસમાં થઇ માત્ર આટલી જ કમાણી

• આયુષ્માનની નવી ફિલ્મે પહેલાં દિવસે મચાવી ધૂમ
• પાંચમે દિવસે થઇ નામની કમાણી
• માત્ર 1.65 કરોડની થઇ પાંચમે દિવસે કમાણી

નવી દિલ્લી: એક જુદા જ ટોપિક પર બનાવવામાં આવેલ ડોક્ટર જી મૂવી બોક્સ ઑફિસ પર ધમાલ મચાવશે તેવી આશા રાખવામાં આવી રહી હતી પરંતુ ઑપનિંગમાં ઠીકઠાક કમાયેલ આ પિક્ચર સોમવાર સુધી ઢીલી પડતી જોવા મળી. ફિલ્મની કહાણી દર્શકોને સિનેમાઘર સુધી તો ખેંચી આવી પરંતુ જેમ- જેમ દિવસો જાય છે તેમ આ ફિલ્મની બોક્સ ઑફિસ પરની અસર ઘટતી દેખાય છે.

આયુષ્માને દર્શકોને કંઇક નવું દેખાડવા કર્યાં પ્રયત્નો
આયુષ્માન ખુરાનાના પ્રયત્નો એવા હોય છે કે તે દર્શકોની સામે કંઇક નવું રજૂ કરી શકે. મોટા ભાગે તેમની પિક્ચરમાં સોસાયટી સંબંધિત મેસેજ પણ રહેલો હોય છે.  આયુષ્માનની ડોક્ટર જી પણ કંઇક આવી જ મૂવી છે.  આ ફિલ્મ કેમ્પસ કોમેડી ડ્રામા છે જે મેડિકલ અને ડોક્ટરોના જીવનની મૂંઝવણો અને મુશ્કેલીઓ પર આધારિત છે. 

5માં દિવસે ન થઇ ખાસ કમાણી
બોક્સ ઓફિસ પર આ પિક્ચરનાં ઈમ્પેક્ટની વાત કરીએ તો ઑપનિંગના દિવસે 3.87 કરોડથી ખાતામૂહુર્ત કર્યું. બીજા દિવસે 5.22 કરોડ અને ત્રીજા દિવસે 5.94 કરોડ જેટલી કમાણી કરી. ચોથાં અને પાંચમાં દિવસે આ આંકડો નીચે ઊતરીને 1.50 અને 1.65 કરોડ સુધી રહ્યો.  ટૂંકમાં દિવસે- દિવસે આ ફિલ્મની કમાણી ક્યાંક ઘટતી નજરે પડે છે. 

અત્યાર સુધી કમાવ્યા છે 18.3 કરોડ 
આ મૂવિએ આશરે 18.3 કરોડ રૂપિયા પાંચ દિવસમાં કમાવેલ છે. અદભૂત ફિલ્મ હોવા છતાં બોક્સ ઑફિસ પર તેની ખાસ અસર દેખાતી નથી. ફિલ્મ નિર્માતાઓના અંદાજ પ્રમાણે આ ફિલ્મ 30 કરોડનાં આંકડાને પાર કરશે પણ જે હિસાબે આંકડાઓ નીચે ઊતરે છે તેને જોતાં આ ફિલ્મ 25-27 કરોડ જેટલી કમાણી કરશે.

પ્રિતીસિંહે પણ કર્યો છે આ રોલ 
ડોક્ટર જીમાં મેઇન કેરેક્ટર આયુષ્માનનું છે તો રકુલ પ્રતિસિંહે પણ સારો અભિનય કરેલ છે. આ સિવાય શેફાલી શાહે પણ મુખ્ય ભૂમિકા ભજવી છે. આ ફિલ્મ ટાઇમ્સ ઑફ ઇન્ડિયા સમૂહની ફિલ્મ પ્રોડક્શન કંપની જંગલી પિક્ચર્સએ બનાવેલ છે.