ખાસ વાંચો / ત્રીજી લહેરથી બાળકોને બચાવવા માટે મોદી સરકારનો મોટો પ્લાન, તૈયાર કરાઇ રહી છે આ ખાસ વસ્તુ

• બાળકો માટે આયુર્વેદિક કિટ લોન્ચ કરવામાં આવી 
• ઈમ્યૂનિટી વધારવા બાળ રક્ષા કિટ લોન્ચ કરવામાં આવી 
• 2 નવેમ્બરે 10 હજાર કિટની વહેચણી કરવામાં આવશે 

કોરોનાની ત્રીજી લહેરને લઈને સરકાર દ્વારા બધી તૈયારીઓ કરી લેવામાં આવી છે. સરકારે હવે બાળકો માટે વેક્સીનેશન ટ્રાયલને લઈને તેમના માટે આયુર્વેદિક કિટ પણ લોંચ કરી છે. ઓલ ઈન્ડિયા ઇન્સ્ટિટ્યૂટ ઓફ આયુર્વેદે 15 વર્ષ સુધીના બાળકોની ઈમ્યૂનિટી વધારવા માટે બાલ રક્ષા કિટ લોંચ કરી છે. આ સંસ્થા આયુષ મંત્રાલય હેઠળ કામ કરે છે. 

બાળકોને સ્વાસ્થ્ય સંબંધી સમસ્યાઓથી રાહત મળશે 

બાલ રક્ષા કિટમાં તુલસી, ગિલોય, તજ, સીરપ અને ચમનપ્રાશનો સમાવેશ છે. આ બધી વસ્તુઓ બાળકો માટે ઈમ્યુનીટી બૂસ્ટર સમાન છે. બાળકો આ કિટનું સેવન કરશે તો તેમને સ્વાસ્થ્ય સંબંધી સમસ્યાઓથી પણ રાહત મળી રહેશે. 

આયુષ મંત્રાલય દ્વારા કિટ તૈયાર કરવામાં આવી 

આપને જણાવી દઈએ કે આ કિટને આયુષ મંત્રાલય દ્વારા તૈયાર કરવામાં આવી છે. ઓલ ઈન્ડિયા ઈન્સ્ટિટ્યુટ ઓફ આયુર્વેદ આયુષ મંત્રાલય હેઠળજ કામ કરે છે. જે કિટ બાળકો માટે બનાવામાં આવી છે. તેનું ઉત્તરાખંડના સરકારી ઉપક્રમ ઈન્ડિન મેડિસીન ફાર્માસ્યુટિકલ કોર્પોરેશન લિમિટેડ દ્વારા પ્રોડકશન કરવામાં આવ્યું છે. 

5 હજાર બાળકોને સુવર્ણપ્રાશન આપવામાં આવશે 

2 નવેમ્બરે આયુર્વેદ દિવસ આવી રહ્યો છે. ત્યારે ઈન્સ્ટિટ્યુટ દ્વારા 10 હજાર કીટ મફતમાં આપવામાં આવશે. સંસ્થાના નિર્દેશક ડૉ તનજા નેસારીએ કહ્યું કે બાળકો માટે હાલ કોઈ વેક્સિન ઉપલબ્ધ નથી જેથી તેમના સ્વાથ્યને ધ્યાનમાં રાખીને આ કીટ બનાવામાં આવી છે. વધુમાં તેમણે કહ્યું કે કિટની સાથેલ સુવર્ણપ્રાશન પણ 5 હજાર બાળકોને મફત આપવામાં આવશે.

રક્ષા કિટ પહેલા દિલ્હીની સ્કૂલોમાં આપવામાં આવશે 

ઉલ્લેખનીય છે કે આ રક્ષા કીટને પહેલા દિલ્હીની સ્કૂલોમાં આપવામાં આવશે . સુવર્ણપ્રાશન પણ બાળકોના સ્વાસ્થ્ય માટે ઘણું સારુ છે. જોકે ઓલ ઈન્ડિયા ઈન્સ્ટિટ્યૂટ ઓફ આયુર્વેદ દ્વારા અગાઉ પણ સ્વાસ્થ્ય રક્ષા કિટ, આરોગ્ય રક્ષા કિટ, આયુ રક્ષા કિટ તૈયાર કરવામાં આવી હતી. જે ઘણી લોકપ્રીય બની હતી.