મહામારી / કેન્દ્રની ચોખ્ખી ચેતવણી: આ 3 મહિના કોરોનાથી સાચવી લેજો, નહીંતર પડી શકે છે ભારે

•  કેન્દ્રિય આરોગ્ય સચિવની ચેતવણી 
• ઓક્ટોબરથી ડિસેમ્બર આ ત્રણ મહિના સતર્ક રહેવાની જરૂર
• કોવિડ ગયો એમ માની ન લેશો : આરોગ્ય મંત્રાલય

પત્રકાર પરિષદને સંબોધન કરતા કેન્દ્રિય આરોગ્ય મંત્રાલયના સચિવે જણાવ્યું હતું કે, હજીપણ ઓક્ટોબરથી ડિસેમ્બર આ ત્રણ મહિના સતર્ક રહેવાની જરૂર છે. 

We need to be watchful of the months of October, November & December. We need to be alert: Lav Agarwal, Joint Secretary, Union Health Ministry

— ANI (@ANI) October 7, 2021

કોવિડ ગયો એમ માની ન લેશો 

લવ અગ્રવાલે વધુમાં કહ્યું કે, કોવિડ સામેનો પડકાર હજી ખતમ થયો નથી. કેટલીક હદ સુધી આપણે બીજી લહેરને કાબૂમાં કરી શક્યા નહીં.આપણે સતત પ્રયાસ ચાલુ રાખવા પડશે.આપણે હજુપણ એવું ન સમજવું જોઈએ કે,કોવિડ ખતમ થઈ ગયો છે. આપણી સામે કોવિડને લઈને કેટલાક પડકાર યથાવત છે. ગાઈડલાઈનનું પાલન કરવાનું યથાવત રાખવું જોઈએ, ગત 24 કલાકમાં 22 હજાર જેટલા કેસ આજે નોંધાયા છે. જે ચિંતા સૂચવે છે. 

 દૈનિક મામલા ફરીથી 20ને પાર થઈ ગયા

કોરોનાના દૈનિક મામલા ફરીથી 20ને પાર થઈ ગયા છે. ગત 24 કલાકમાં 22 હજારથી વધારે નવા મામલા આવ્યા છે. જ્યારે 318 લોકોએ પોતાનો જીવ ગુમાવ્યો છે. ત્યારે 24 હજાર 602 દર્દીઓ સાજા થઈ ગયા છે.

એક્ટિવ કેસમાં ઘટાડો

રાહતની વાત એ છે કે એક્ટિવ કેસ સતત ઓછા થઈ રહ્યા છે. હવે એક્ટિલ કેસ ફક્ત 2.44 લાખ રહી ગયા છે. આ ઉપરાંત સાજા થનાર લોકોના દરમાં પણ સુધારો થઈ રહ્યો છે. હાલમાં દેશમાં 97.95 ટકા છે.

તહેવારમાં  કોવિડ ગાઈડલાઈનનું પાલન કરવું ફરજિયાત થઈ ગયું છે

બીજી તરફ કેરળમાં કોરોનાના દૈનિક મામલામાં ઘટાડો નથી આવી રહ્યો. કેરળમાં નવા સંક્રમિતોને મળવાનો સિલસિલો જારી છે. આંધ્ર પ્રદેશ, તેલંગાણા, મહારાષ્ટ્ર સહિત અનેક અન્ય રાજ્યોમાં સંક્રમણના મામલા પહેલાથી ઘણા ઓછા થયા છે. મુંબઈ સહિત સમગ્ર મહારાષ્ટ્રમાં આજથી ધાર્મિક સ્થળોને ખોલી દેવામાં આવ્યા છે. જોકે આ દરમિયાન કોવિડ ગાઈડલાઈનનું પાલન કરવું ફરજિયાત થઈ ગયું છે.