7મી જુન ભારત અને ઓસ્ટ્રેલિયા વચ્ચે વર્લ્ડ ટેસ્ટ ચેમ્પિયનશિપ (ડબલ્યુટીસી)ની ફાઈનલ રમાવાની છે પરંતુ તે પહેલા ઓસ્ટ્રેલિયા ટીમમાંથી ફાસ્ટ બોલર જોશ હેઝલવુડ બહાર થયો છે.
7મી જુન ભારત અને ઓસ્ટ્રેલિયા વચ્ચે વર્લ્ડ ટેસ્ટ ચેમ્પિયનશીપની ફાઈનલ
ઓસ્ટ્રેલિયનો જોશ હેઝલવુડ ક્રિકેટ ટીમમાંથી થયો બહાર
ઈજાના કારણે ફાઈનલમાંથી બહાર
ICC વર્લ્ડ ટેસ્ટ ચેમ્પિયનશિપ (ડબલ્યુટીસી)ની ફાઇનલ મેચમાં ટીમ ઇન્ડિયા અને ઓસ્ટ્રેલિયાનો મુકાબલો થવાનો છે. બંને ટીમો વચ્ચે આ મેચ 7 જૂનથી લંડનના ઓવલ મેદાન પર રમાશે. આ મેચ શરૂ થતા પહેલા જ ઓસ્ટ્રેલિયાની ટીમને મોટો ઝટકો લાગ્યો છે.
Australian seamer Josh Hazlewood ruled out of WTC final due to injury, says International Cricket Council. pic.twitter.com/JbDgmw7wXK
ફાસ્ટ બોલર જોશ હેઝલવુડ ઈજાના કારણે ફાઈનલમાંથી બહાર
કાંગારૂ ફાસ્ટ બોલર જોશ હેઝલવુડ ઈજાના કારણે અંતિમ મેચમાંથી બહાર થઈ ગયો છે. જોશ હેઝલવુડ ઈન્ડિયન પ્રીમિયર લીગ (આઈપીએલ)ની તાજેતરમાં સમાપ્ત થયેલી 16મી સિઝનમાં રોયલ ચેલેન્જર્સ બેંગલોરનો ભાગ હતો. જોકે હેઝલવૂડ સાઈડ સ્ટ્રેનને કારણે આઇપીએલની સિઝન પુરી થાય તે પહેલા જ ઓસ્ટ્રેલિયા જવા રવાના થઈ ગયો.
હેઝલવૂડની જગ્યાએ માઇકલ નેસરને લેવાયો
હેઝલવૂડ 16 જૂનથી બર્મિંગહામમાં રમાનારી પ્રથમ એશિઝ ટેસ્ટ માટે ઉપલબ્ધ થાય તેવી શક્યતા છે. ફાસ્ટ બોલિંગ ઓલરાઉન્ડર માઇકલ નેસરને હેઝલવૂડની જગ્યાએ ટીમમાં સામેલ કરવામાં આવ્યો છે. વર્લ્ડ ટેસ્ટ ચેમ્પિયનશીપ ફાઈનલની ઈવેન્ટ ટેકનિકલ કમિટિએ નાસ્સારને ટીમમાં સામેલ કરવાની મંજૂરી આપી દીધી છે.