ઓસ્ટ્રેલિયાના સંશોધનકારોએ સોમવારે દાવો કર્યો હતો કે તેઓએ કોરોના વાયરસની સામે રક્ષણ આપતી દવા શોધી કાઢી છે અને તેનું સફળ પરીક્ષણ પણ શક્ય બન્યુું છે. રોયલ બ્રિસ્બેન અને મહિલા હોસ્પિટલના કમ્યુનિકેબલ રોગના ડોક્ટર પેટરસને કહ્યું કે, "આ સંભવિત અસરકારક સારવાર છે. સારવારના અંતે જાણવા મળ્યું કે દર્દીના શરીરમાં કોરોના વાયરસના ચેપનું નિશાન નથી.'
ઓસ્ટ્રેલિયામાં કોરોનાના સંક્રમિત દર્દીઓ પર થયું પરીક્ષણ
પરીક્ષણ બાદ દર્દીઓમાં કોરોના વાયરસ થયો ગાયબ
આ દવામાં એક HIVમાં ઉપયોગમાં લેવાતી દવા છે
ઓસ્ટ્રેલિયાના સંશોધનકારોએ સોમવારે દાવો કર્યો હતો કે તેમને એચઆઇવી અને એન્ટી મેલેરિયા નામની બે દવાઓ મળી છે, જે કોરોના વાયરસના ચેપની સારવારમાં અસરકારક છે. ક્વીન્સલેન્ડ યુનિવર્સિટીના સેન્ટર ફોર ક્લિનિકલ રિસર્ચના ડિરેક્ટર, ડેવિડ પેટરસનએ જણાવ્યું હતું કે, બે દવાઓનો ઉપયોગ ટેસ્ટ ટ્યુબમાં કોરોના વાયરસને રોકવા માટે કરવામાં આવ્યો હતો અને તે મનુષ્ય પર અસરકારક અને પરીક્ષણ માટે તૈયાર છે.
આ બે દવાઓના ઉપયોગથી ક્યોર કરવામાં આવી કોરોનાના ચેપની અસર
તેમણે કહ્યું કે આ દવાઓ પૈકી એક HIVની સારવારમાં વપરાતી દવા છે અને બીજી મેલેરિયાની સારવારમાં વપરાતી ક્લોરોક્વિનનો ઉપયોગ થાય છે. પેટરસને કહ્યું કે આ બંને દવાઓનો ઉપયોગ ઓસ્ટ્રેલિયાના કેટલાક ચેપગ્રસ્ત દર્દીઓ પર કરવામાં આવ્યો હતો અને એવું જાણવા મળ્યું હતું કે વાયરસ સંપૂર્ણપણે અદૃશ્ય થઈ ગયો છે.
સારવાર બાદ દર્દીમાં નથી દેખાતા કોરોનાના લક્ષણો
રોયલ બ્રિસ્બેન અને મહિલા હોસ્પિટલના કમ્યુનિકેબલ રોગના ડોક્ટર પેટરસને કહ્યું કે, આ સંભવિત અસરકારક સારવાર છે. સારવારના અંતે જાણવા મળ્યું કે દર્દીના શરીરમાં કોરોના વાયરસના ચેપનું નિશાન નથી.
ટેબ્લેટના રૂપમાં દર્દીને આપવામાં આવે છે આ દવા
તેમણે કહ્યું, 'અમે હાલમાં આ બંને દવાઓની તુલના અન્ય દવાઓ સાથે સરખાવી શકાય તે માટે ઓસ્ટ્રેલિયાની 50 હોસ્પિટલોમાં મનુષ્યમાં દવાના વિસ્તૃત પરીક્ષણ કરવા માંગીએ છીએ. પેટરસને જણાવ્યું હતું કે કેટલાક દર્દીઓ પર કોરોના વાયરસની ખૂબ જ સકારાત્મક અસર થઈ છે, જો કે તેનું નિયંત્રણ શરતો અથવા તુલનાત્મક ધોરણે કરવામાં આવ્યું નથી. તેમણે કહ્યું કે આ દવા ટેબ્લેટના રૂપમાં છે, જે દર્દીને મોં દ્વારા આપવામાં આવે છે.