- શેન વોર્નના નિધનનું સાચું કારણ આવ્યુ સામે
- થાઇલેન્ડ પોલીસે રજૂ કર્યો રિપોર્ટ
- ' શેનવોર્નનું મોત કુદરતી હતું '
ઓસ્ટ્રેલિયાના મહાન બોલર શેન વોર્નનું નિધન થતા ક્રિકેટ જગતમાં શોકની લાગણી જોવા મળી રહી છે. મોત થવાનું પ્રાથમિક કારણ હાર્ટએટેક હોવાનું સામે આવ્યુ હતું. પરંતુ પરંતુ તાજેતરના થાઈલેન્ડ પોલીસના રિપોર્ટમાં જાણવા મળ્યું છે કે વોર્નના રૂમમાં કેટલાક લોહીના ડાઘા પણ જોવા મળ્યા હતા, જેના પછી વધુ અટકળો શરૂ થઈ હતી. હવે જ્યારે વોર્નનો પોસ્ટમોર્ટમ રિપોર્ટ સામે આવ્યો છે ત્યારે તેમાં મોટો ખુલાસો થયો છે.
પોસ્ટ મોર્ટમ રિપોર્ટમાં સનસનીખેજ ખુલાસો
થાઈલેન્ડ પોલીસે સોમવારે કહ્યું કે ઓસ્ટ્રેલિયન ક્રિકેટર શેન વોર્નના પોસ્ટમોર્ટમ રિપોર્ટ અનુસાર તેનું મૃત્યુ કુદરતી કારણોસર થયું છે. નેશનલ પોલીસના ડેપ્યુટી પ્રવક્તા કિસાના પઠાનાચારોન દ્વારા જારી કરવામાં આવેલા નિવેદનમાં જણાવવામાં આવ્યું છે કે પોસ્ટમોર્ટમ કરનાર ડોક્ટરનો રિપોર્ટ વોર્નના પરિવાર અને ઓસ્ટ્રેલિયન એમ્બેસીને મોકલી દેવામાં આવ્યો છે. જેમાં કહેવામાં આવ્યું છે કે વોર્નના પરિવારને કોઈ શંકા નથી કે તેનું મૃત્યુ કુદરતી કારણોસર થયું છે.
કારણ હતું હાર્ટ એટેક
નિવેદનમાં મોતનું કારણ જાહેર કરવામાં આવ્યું નથી. પ્રાથમિક તપાસમાં સામે આવ્યુ હતું કે તેઓને હાર્ટએટેક આવ્યો હતો. મહત્વનું છે કે શેન વોર્ન થાઈલેન્ડના કોહ સમુઈ ટાપુ પર તેની હોટલના રૂમમાં બેભાન હાલતમાં મળી આવ્યો હતો. હોસ્પિટલ લઈ જવા છતાં તેનો જીવ બચાવી શકાયો ન હતો. પોલીસે એક નિવેદનમાં જણાવ્યું હતું કે પોસ્ટમોર્ટમ તપાસનો રિપોર્ટ પ્રોસિક્યુટરની કચેરીએ મોકલવામાં આવશે. જે અણધાર્યા મૃત્યુના કિસ્સામાં સામાન્ય પ્રક્રિયા છે. વોર્નના પરિવારે સોમવારે જારી કરેલા નિવેદનમાં જણાવ્યું હતું કે તેનું મૃત્યુ પરિવાર માટે ક્યારેય ન સમાપ્ત થનારા ખરાબ સ્વપ્નની શરૂઆત છે.
પરિવાર શોકમાં છે
શેન વોર્નના પિતા કીથ અને માતા બ્રિગેટે લખ્યું, 'શેન વિના ભવિષ્યની કલ્પના કરી શકાતી નથી. તેમની સાથેની અસંખ્ય સુખી યાદો આપણને આ દુ:ખને દૂર કરવામાં મદદ કરે. તેમણે કહ્યું કે પરિવારને રાજકીય સન્માન સાથે તેમના અંતિમ સંસ્કાર કરવાનો અનુરોધ માની લીધો છે. તેણે કહ્યું, 'દરેક વ્યક્તિ જાણે છે કે શેનને વિક્ટોરિયન અને ઓસ્ટ્રેલિયન હોવાનો કેટલો ગર્વ હતો.' વોર્નના પુત્ર જેક્સને લખ્યું, 'મને નથી લાગતું કે તમારા જવાથી મારા દિલમાં પડેલી ખાલીપો કોઈ ક્યારેય ભરી શકશે. તમે શ્રેષ્ઠ પિતા અને મિત્ર હતા.વોર્નનું પાર્થિવ દેહ ઓસ્ટ્રેલિયા ક્યારે મોકલવામાં આવશે તે હજુ સુધી જાણી શકાયું નથી.
