ખેડા / Audio Clip: '250 જેટલા વોટ લાવી આપવા પડશે નહીં તો નાખેલી પાઈપલાઈન પાછી કાઢી લઈશ': સરપંચે આપી ધમકી

• ખેડા જિલ્લામાં ગ્રામપંચાયતની ચૂંટણી 
• સરપંચ બનવા હોડ માંડી છે લાગવા 
• આંત્રોલીમાં ધમકી મળી હોવાની રાવ 

ગુજરાતમાં ગ્રામ પંચાયતો ની ચૂંટણીના ગણતરીના દિવસો બાકી છે ત્યારે ખેડા જિલ્લામાં 432 જેટલી ગ્રામ પંચાયતો ની ચૂંટણી યોજાવાની છે.જેને લઇ સરપંચની દાવેદારી કરતા ઉમેદવારો એ ચૂંટણી પ્રચાર જોરશોર થી શરુ કરી દીધો છે.

ચૂંટણીમાં જીતવા માટે ઉમેદવારો દ્વારા વોટર્સને મનાવવામાં આવે છે અને ગામમાં પોતાના દ્વારા કરેલા કામો ને યાદ કરાવી ને વોટ લેવાની રણનીતિ અપનાવવા માં આવે છે ત્યારે ખેડા જિલ્લા ના કપડવંજ તાલુકાના આત્રોલી ગામના વર્તમાન  સરપંચ પ્રતાપ ભાઈ રાઠોડની ઓડિયો ક્લિપ વાઇરલ થઇ છે. 

આંત્રોલીના ચાલુ સરપંચ દ્વારા પરમાર વગા માં રહેતા ગિરીશભાઈ પરમારને ફોન કરવામાં આવેલ પરંતુ આ શખ્સ  દ્વારા કોઈ કારણો સર ફોન રિસિવ ના થયો ત્યારબાદ ફોનમાં બેલેન્સ ના હોવાથી તેના અન્ય મિત્રના ફોનથી સરપંચ ને સંપર્ક કર્યો હતો તે દરમિયાન સરપંચ દ્વારા આ શખ્સ ને અઢીસો જેટલા વોટ પોતાના વિસ્તારમાંથી લાવી આપવા જ પડશે જો નહી લાવી આપવામાં આવે તો નાખેલી પાઈપલાઈન પાછી કાઢીલઈશ તથા ગાળો બોલી માર મારવાની વાત કરી હતી હાલ તો આ ઓડિયો ક્લિપ વાઇરલ થતાં કપડવંજ તાલુકામાં રાજકારણે જોર પકડ્યું છે હાલના ચાલુ સરપંચ દ્વારા યોજાનારી ચૂંટણી માં પોતાની પુત્રવધુ ને મેદાન માં ઉતારી સામ દામ દંડ ભેદ ની નીતિ અપનાવી જીતાડવા ના પ્રયાસો થઈ રહ્યા છે. જો કે સરપંચ દ્વારા જણાવેલ કે આ ઓડિયો ક્લિપ બિલકુલ ખોટી છે અને રાજકારણમાં મને ગંદો ચીતરવા માટેનો ખોટો પ્રયાસ છે. ઓડિયો ક્લિપ અંગે vtv પુષ્ટિ કરતુ નથી