અરવલ્લી જિલ્લા ભાજપ પ્રમુખ પર ગંભીર આરોપ, સ્વામી વિવેકાનંદ યુવા બોર્ડમાં રૂપિયા લઈ લાગતાં વળગતાને નિમણૂંક આપી હોવાનો દાવો
સ્વામી વિવેકાનંદ યુવા બોર્ડમાં નિમણૂકનો મામલો
નિમણૂકમાં ભ્રષ્ટાચાર થયાનો આરોપ
અરવલ્લી જિલ્લા ભાજપ પ્રમુખ પર આક્ષેપ
અરવલ્લી જિલ્લા ભાજપ પ્રમુખ નામે નિમણૂકમાં સેટિંગ કર્યું હોવાની ઓડિયો ક્લિપ વાયરલ થતાં જિલ્લાનું રાજકારણ ગરમાયું છે. સ્વામી વિવેકાનંદ યુવા બોર્ડમાં તાજેતરમાં નિમણૂક કરાઇ છે. જેમાં ભ્રષ્ટાચાર થયાની ઓડિયો ક્લીપ વાયરલ થઈ છે.
બોર્ડમાં નિમણૂક માટે ભ્રષ્ટાચાર?
અરવલ્લી જિલ્લા ભાજપ પ્રમુખ રાજેન્દ્ર પટેલના નામની આ વાયરલ ઓડિયો ક્લિપમાં જિલ્લા પ્રમુખે બોર્ડમાં નિમણૂક માટે નાણાં લીધા હોવાની વાત થઈ રહી છે. જિલ્લા ભાજપના વોટ્સએપ ગ્રુપમાં પ્લેટ પોસ્ટ કરાઇ હતી જેમાં એક જ ગામના બે વ્યક્તિઓની નિમણૂક કર્યાનો આક્ષેપ છે. સમગ્ર મામલે જિલ્લા ભાજપ પ્રમુખ રાજેન્દ્ર પટેલે આક્ષેપો ફગાવતા કહ્યું છે કે ઓડિયો ક્લીપમાં મારો અવાજ નથી. મારા જેવો ઓડિયો એડિટ કરી ક્લીપ વાયરલ કરાઇ. રાજકીય દ્વેષથી પ્લેટ વાયરલ કરાવવામાં આવી છે.
ઓડિયો ક્લિપની વાતચીતના અંશો
રાજેન્દ્ર પટેલઃ તુ કરે છે કે નથી કરતો
અજ્ઞાતઃ કરી દીધી સાહેબ, તમને સ્ક્રીનશોટ મોકલ્યો તમને વોટ્સએપ કર્યો
રાજેન્દ્ર પટેલઃ હવે ખોટું લખે તો હું FIR ફડાવીશ..સાબિત તારે મને કરી આપવું પડશે. નહીં તો FIR કરાવીશે..
અજ્ઞાતઃ પાનના ગલ્લે શરદ મળ્યો તો મેં પૂછ્યું કે તમે 2 હજાર રૂપિયા લઇ ગયા
રાજેન્દ્ર પટેલઃ હું SPને પાસે FIR કરાવડાવીશ અને ત્યાં બોલાવીશ******* આ તને કહી દીધું ખોટું લખીશ તો
અજ્ઞાતઃ એટલે મને તો શરદે કીધું એટલે તમારું લખ્યું..
રાજેન્દ્ર પટેલઃ શરદ તો એમ કહેશે કે આને આ કર્યુંને પૈસા લીધા છે તો તું લખીશ?
અજ્ઞાતઃ ના પણ એને કીધું સાંભળો..
રાજેન્દ્ર પટેલઃ તારી****તૂટી જશે..
અજ્ઞાતઃ પણ સાહેબ કાલે વાત તો કરી છે કે બંને માણસો એના લીધા છે
રાજેન્દ્ર પટેલઃ એટલે કોને લીધા છે?
અજ્ઞાતઃ હમ..
રાજેન્દ્ર પટેલઃ કોને લીધા છે?
અજ્ઞાતઃ એ એને સંજય જયસ્વાલ અને શરદ તમારું નામ આપે છે
રાજેન્દ્ર પટેલઃ તને ખબર નથી કે તને ચડાવવા વાળા ક્યાં રહેશે. બધાના હુ કુચા કાઢી નાખીશ
અજ્ઞાતઃ પણ એવું નથી સાહેબ તે દિવસ તમે બોલાવ્યો અને અમે તમારા કીધું કર્યું બરાબર અમારું તો જોવો અમને તો લો
રાજેન્દ્ર પટેલઃ જો માપ બહાર ન જા તું બીજાને કરે એવું મને ન કર નહીં તો કોઈક દિવસ ફસાઇ જઇશ
અજ્ઞાતઃ પણ સાહેબ મને તો લો
રાજેન્દ્ર પટેલઃ તને કીધીને ઘરે આવીને લઇ જઇશ
અજ્ઞાતઃ હું તમારો જ નાનો ભાઇ છું એમ સમજીને લો
રાજેન્દ્ર પટેલઃ મારું નામ કેમ લખે છે તુ?
અજ્ઞાતઃ શરદે કીધું કે રાજુભાઇને સેટિંગ છે
રાજેન્દ્ર પટેલઃ હું તને બે દિવસ બહાર છું ભેગો થઈને પછી શરદને ભેગો કરું છું તને..હો