મનની પીડા / સુરત મહાપાલિકાના કર્મચારીનો આત્મહત્યાનો પ્રયાસ, ઉપરી અધિકારીઓ પર માનસિક ત્રાસનો આરોપ

• સુરત મહાપાલિકાના કર્મચારીનો આત્મહત્યાનો પ્રયાસ
• વરાછા ઝોનના પ્રાઇમરી હેલ્થ વર્કરનું આત્યંતિક પગલું 
• હાલ સારવાર હેઠળ, ઉપરી અધિકારીઓ પર આરોપ 

સુરત મહાનગર પાલિકાના કર્મચારીએ આત્મહત્યાનો પ્રયાસ કરતા ચકચાર મચી ગઈ છે. વરાછા ઝોનમાં પ્રતાપ પટેલ જે  SMCના કર્મચારી છે તેમણે  ON DUTY જ આપઘાતનો પ્રયાસ કર્યો હતો. આત્મ હત્યાના પ્રયાસ પહેલા તેઓએ SMCના ઉચ્ચકક્ષાના અધિકારીઓ પર  આક્ષેપ લગાવ્યા હતા. 

સુરત મહાનગર પાલિકાના વરાછા ઝોનમાં પ્રાઇમરી હેલ્થ વર્કર તરીકે ફરજ બજાવતા પ્રતાપભાઈ પટેલે પોતાની ફરજ દરમિયાન ,ફરજના સ્થળે જ આત્મ હત્યા કરવાનો પ્રયાસ કર્યો હતો. દરમિયના તેમણે નાયબ આરોગ્ય અધિકારી એ. પી. ભટ્ટ પર  કેટલાક આક્ષેપ પણ કર્યા હતા. નાયબ આરોગ્ય અધિકારી, જંતુનાશક વિભાગના અધિકારી SSI રમીલા બહેન ગામીત પર પણ આરોપ લગાવ્યા હતા. ઉપરી અધિકારીઓના માનસિક ત્રાસના કારણે  આપઘાતનો પ્રયાસ કર્યો હતો. પ્રતાપભાઈને ખાનગી હોસ્પિટલમાં સારવાર મારે ખસેડવામાં આવ્યા હતા. હેલ્થ વર્કર પ્રતાપ ભાઈની સુસ્યાઈડ નોટમાં આ સઘળી બાબતોનો ઉલ્લેખ હોવાની વાત સામે આવી છે. 

ચાલુ ફરજે વરાછા ઝોનના મહાનગર પાલિકાના કર્મચારીએ આત્મહત્યા જેવું આત્યંતિક પગલું ભરતા,સમાજમાં રોષની લાગણી પ્રવર્તી રહી છે. હાલ તો તેઓ સારવાર હેઠળ છે.પણ પોલીસ સમગ્ર બાબતોની ઝીણવટ પૂર્વક તપાસ કરી રહી છે.