- રાજકોટમાં ગ્રીષ્મા જેવો કિસ્સો થતા અટક્યો
- ધોરાજીમાં પ્રેમ સબંધમાં યુવતીની હત્યાનો પ્રયાસ
- મળવાની મનાઈ કરતા યુવતી પર હુમલો કર્યો
તુ મારી નહિ તો કોઈ ની નહિ આવું જુનન પાગલ પ્રેમીઓ માં અવારનવાર જોવા મળે છે, બે દિવસ પહેલા જ સુરતમાં એક સનકી હત્યારા પ્રેમીએ જાહેરમાં જ યુવતીને પતાવી દીધી હતી. આવી જ એક ઘટના ધોરાજી માં બનતા રહી ગઈ જ્યાં પ્રેમિકાએ મળવા આવવાની ના કહેતા પ્રેમીએ પ્રેમિકા ઉપર જીવલેણ હુમલો કર્યો હતો. રાજકોટમાં રહેતી યુવતીને સુલતાન ઉર્ફે ટીપું જુનેજા સાથે પ્રેમ થઈ ગયો હતો તે વારંવાર યુવતીને મળવા બોલાવતો હતો અને છેલ્લે જ્યારે તેને મળવા બોલાવી અને તે ન આવી ત્યારે તેની ઉપર ખૂની હુમલો કર્યો હતો
શુ છે આખી ઘટના
યુવક અને યુવતી છેલ્લા 1 વર્ષથી મળતા હતા અને બંને વચ્ચે પ્રેમ હતો સુલતાન ઉર્ફે ટીપું તેની પ્રેમિકાને વારંવાર મળવા બોલાવતો હતો અને તેથી તે કંટાળીને તેની માતા ના ઘરે ધોરાજી આવી ગઈ હતી જેને લઈને સુલતાન ઉર્ફે ટીપુ ગુસ્સે ભરાયો હતો અને તે યુવતીને રાજકોટ પરત આવી જવા કહેતો હતો પરંતુ યુવતી રાજકોટ પરત જતી ન હતી જેને લઈ ને સુલતાન ઉર્ફે ટીપુ ના માથે ખૂન સવાર થયું હોય તેમ સનકી થઈ ગયો હતો. બે દિવસ પહેલા રાજકોટથી ધોરાજી પાસે તેના મિત્ર સાથે આવીને યુવતીને આડેધડ છરીના ઘા ઝીકી દીધા હતા, જેમાં યુવતીને ગાલ ઉપર મોટી ઇજા થઇ હતી અને નાક પણ કપાઈ ગયુ હતું સાથે સાથે હાથ ના આંગળા કપાઈ ગયા હતા અને હોસ્પિટલ માં દાખલ કરવી પડી હતી
આરોપી ટીપુ મારી પાસે દેહ વ્યાપાર કરાવતો: પીડિત યુવતી
પ્રેમી ના હુમલોનો ભોગ બનેલી યુવતીએ હોસ્પિટલમાં સારવાર લઈને પરત ફરતા એક વીડિયો બનાવ્યો અને જેમાં તેણે સુલતાન તેની પત્ની અને અન્ય બે વ્યક્તિઓ ઉપર આક્ષેપ કરતી જોવા મળે છે, જેમાં સુલતાન અને તેની પત્ની મદીના અન્ય રાહુલ અને જાનવી નામના વ્યક્તિ ઓ ઉપર આક્ષેપ કર્યા હતા કે આ લોકો રાતે મને બોલાવતા અને ને દ્રગ્સનો નશો કરાવીને મારી સાથે 4 થી 5 લોકો ને સુવાની ફરજ પાડતા જ્યારે હું સવારે ઉઠું તો ઉઠી ન શક્તિ, યુવતીને આડકતરી રીતે સુલતાન તેની પત્ની અને અન્ય 2 લોકો તેની પાસે દેહ વેપાર કરાવતા હતા અને જો તે આ બધું ન કરું અને ઘરે જવાની વાત કરે તો તેના દીકરાને મારી નાખવાની ધમકી આપતા હતા.
ધોરાજી પોલીસે હુમલા ખોર પ્રેમી વિરુદ્ધ IPC 307 અને 326 અને 114 મુજબ ગુનો નોંધીને કાર્યવાહી શરૂ કરી છે
