ઉત્તરપ્રદેશ / અતીક અહેમદને UP લઇ જતા પોલીસ વાનનો MPમાં અકસ્માત, ગાયનું મોત, કહ્યું 'કાહે કા ડર'

• UPમાં એન્ટ્રી મારતા જ બદલાયા અતીક અહેમદના સૂર
• મીડિયાના સવાલ પર અતીક અહેમદે કહ્યું 'કાહે કા ડર'
• પોલીસ વાન સાથે ગાયની ટક્કર થતા ગાયનું મોત

ઉત્તરપ્રદેશમાં એન્ટ્રી મારતા જ અતીક અહેમદના કેસમાં વધુ એક અપડેટ સામે આવી છે. શિવપુરી જિલ્લાની સીમામાં પ્રવેશ કરતા જ પોલીસ વાનની ગાય સાથે ટક્કર થતા ગાયનું મોત નિપજ્યું છે. તો બીજી બાજુ મધ્યપ્રદેશની સીમામાં ઘૂસતા જ જ્યારે અતીકને પેશાબ માટે નીચે ઉતારવામાં આવ્યો ત્યારે મીડિયાએ સવાલ કર્યો કે, 'ડર લાગે છે?' તો પહેલા તો કંઇ ન કહ્યું, બાદમાં અતીકે કહ્યું 'કાહે કા ડર.' બાદમાં કાફલો તુરંત ઝાંસી જવા માટે રવાના થઇ ગયો.

MPમાં અતીક અહેમદની પોલીસ વાનનો ગાય સાથે અકસ્માત, સામે આવ્યો LIVE VIDEO#AtiqAhmed #VtvGujarati #MadhyaPradesh pic.twitter.com/SPDdqcREXt

— VTV Gujarati News and Beyond (@VtvGujarati) March 27, 2023

પોલીસ વાન સાથે ટક્કર થતા ગાયનું મોત
તો બીજી ઘટના એવી છે કે, જ્યારે પોલીસનો કાફલો ખારાઈ ચેકપોસ્ટથી થોડેક આગળ ગયો ત્યારે અચનાક એક ગાય પોલીસ વાન સાથે આવીને અથડાઈ. જેમાં એવું કહેવાય છે કે, આ વાનમાં જ અતીક અહેમદ બેઠેલો હતો. પોલીસ વાન સાથે ગાયની ટક્કર થતા ગાય થોડેક દૂર જઇને અથડાઇ હતી. જેના કારણે પોલીસનો આખો કાફલો ઘટનાસ્થળે થંભી ગયો હતો. પરંતુ તમને જણાવી દઇએ કે, વાન સાથે ગાયની ટક્કર થતા ગાયનું મોત થયું હતું.

અતીકને આજે રાત્રે નૈલી જેલમાં રખાશે
વધુમાં જણાવીએ કે, અતીકને આજે રાત્રે નૈલી જેલમાં રાખવામાં આવશે. આવતીકાલે પ્રયાગરાજના સાંસદ-ધારાસભ્ય કોર્ટમાં હાજર થશે. ઉમેશ પાલ અપહરણ કેસમાં અતીક આવતીકાલે પ્રયાગરાજ કોર્ટમાં હાજર થશે. અતીકના ભાઈ અશરફને પણ બરેલી કોર્ટમાંથી પ્રયાગરાજ લાવવામાં આવી રહ્યો છે. બીજી તરફ અશરફે એમ પણ કહ્યું હતું કે 'તેના જીવને ખતરો છે.' મહત્વનું છે કે, અતીક અહેમદ 2007ના કેસમાં મુખ્ય આરોપી છે.

'ડર લગ રહા હૈ ક્યાં?' મીડિયાએ સવાલ પૂછતા જ અતીક અહેમદનો બેધડક જવાબ, કહ્યું 'કાહે કા ડર', જુઓ VIDEO | VTV Gujarati#atikahmed #vtvgujarati #uttarpradesh #viralvideo pic.twitter.com/NZh6WuGZ6L

— VTV Gujarati News and Beyond (@VtvGujarati) March 27, 2023

UP પોલીસ સાબરમતી જેલમાં પહોંચતા જ અતીક ડરી ગયો
જેવો અતિકને ખ્યાલ આવ્યો હતો કે યુપી પોલીસ સાબરમતી જેલ પહોંચી ગઈ છે અને તેને રોડ માર્ગે પ્રયાગરાજ લઈ જવાનો છે. ત્યારે તે પરસેવે રેબઝેબ થઇ ગયો હતો. કારણ કે અતિકને યોગીની ચેતવણી યાદ આવી ગઇ હતી કે 'કાર ગમે ત્યારે પલટી શકે છે. અકસ્માત ગમે ત્યારે થઈ શકે.' આ સિવાય અતીક અહેમદની નજર સમક્ષ વિકાસ દુબે એન્કાઉન્ટરની ઘટના તાજી થઇ જતા અતીકને એકપ્રકારનો ડર સતાવી રહ્યો હતો.