માલેતુજાર / આ ફી વધારો નહીં રમવા દે..!,  વડોદરામાં સરકાર દ્વારા સંચાલિત સ્પોર્ટ્સ કોમ્પલેક્ષની ફીમાં 300 ગણો વધારો, ગરીબ રમતવીરો મૂંઝાયા

• કેવી રીતે રમશે વડોદરાવાસી?
• સ્પોર્ટ્સ કોમ્પલેક્ષમાં ફી વધારો
• 500થી 2 હજાર સુધીનો ફી વધારો

સરકાર સ્પોર્ટ્સ ક્ષેત્રે યુવાનોને પ્રોત્સાહન આપી રહી છે. તેવામાં વડોદરામાં સ્પોર્ટ્સ કોમ્પલેક્ષમાં એટલી ફી વધારવામાં આવી કે સામાન્ય અને ગરીબ પરિવારના બાળકોને રમવું મુશ્કેલ બની ગયું છે. 

સ્પોર્ટ્સ કોમ્પ્લેક્ષની ફીમાં ૩૦૦ ગણો ફી માં વધારો
રાજ્ય અને કેન્દ્ર સરકાર સ્પોટ્સ માટે ખૂબ જ ભાર આપી રહી છે ત્યારે વડોદરા માં વાઘોડીયા રોડ પર આવેલા સ્પોર્ટ્સ ઓથોરિટી ઓફ ગુજરાત ના સ્પોર્ટ્સ કોમ્પ્લેક્ષમાં ઓથોરિટી દ્વારા ૩૦૦ ગણો ફી માં વધારો કરવામાં આવ્યો છે જેના કારણે ખેલાડી ઓ ને રમવું મુશ્કેલ બન્યું છે..બેડમિન્ટનના ખેલાડી ની ફી ૭૦૦ હતી તે વધારી ને ૨૦૦૦ રૂપિયા કરી દેવામાં આવી છે આવી ઊંચી ફી માં ગરીબ ખેલાડીને રમવું મુશ્કેલ બની જશે તેવી ફરિયાદો ઊઠી છે.

આ ફી વધારો કેમ પોસાય?

• બેડમિન્ટન અને લોન ટેનિસની જુનિયર માસિક ફી - 500 થી વધારી 1000 રૂ.
• સિનિયર માસિક ફી - 750 થી વધારી 2000 રૂ કરી
• ટેબલ ટેનિસની જુનિયર માસિક ફી - 500 રૂ.થી વધારી 800 રૂ.
• સિનિયર માસિક ફી - 750 રૂ થી 1200 રૂ. કરી
• ફૂટબોલની જુનિયર માસિક ફી - 750 રૂ થી વધારી 850 રૂ, 
• સિનિયર માસિક ફી - 750 રૂ થી વધારી 2500 રૂ. કરી

જો અહી રમવા આવતા ખેલાડીઓ ની સંખ્યા ની વાત કરીએ તો બેડમિન્ટનમાં 121, ફૂટબોલમાં 65, લોન ટેનિસમાં 47, ટેબલ ટેનિસમાં 23 અને કરાટેમાં 43 ખેલાડીઓ રમી રહ્યા છે સંકુલમાં આદિવાસી અને ગરીબ પરિવારમાંથી આવતા ખેલાડી માટે આ ફી વધારો બહુજ આકરો લાગી રહ્યો છે કેટલાક ખેલાડીઓ પાસે ફી નાણાં ન  હોવાથી વતન પરત જતાં રહ્યાં છે જો કે આ બાબતે સ્પોર્ટ્સ સંકુલ ના ડેવલોપમેન્ટ ઓફિસર અલગ જ રટણ કરી રહ્યા છે.ખેલે ગુજરાત ,રમશે ગુજરાત,જીતશે ગુજરાત જેવા રૂપકડા સૂત્રો વચ્ચે સરકારની ઓથોરિટી એ જ ફી વધારો કરી દેતા ગરીબ ખેલાડીઓના ભવિષ્ય સામે અંધકાર છવાયો છે જોકે હાઇટેક સ્પોર્ટ્સ કોપ્લેક્ષ માત્ર માલેતુજારો માટે હોય તેવી સ્થિતિ નિર્માણ થઇ છે.