VIDEO / ગોધરામાં જાહેર સભામાં એક યુવક CM રૂપાણીના નામની બૂમો પાડતો હતો, જાણો પોલીસે શું કર્યું

• CMની સભામાં યુવક રજૂઆત માટે પહોંચ્યો
• મેડિકલ ગ્રેજ્યુએશનને લગતા પ્રશ્ન અંગે રજૂઆત
• CMએ યુવકની અરજી સ્વીકારી

ગોધરામાં CM રૂપાણીની ચાલુ સભામાં એક યુવકે CMને એડમિશનને લઈને રજૂઆત કરી હતી. યુવકે સભામાં પોતાના હાથમાં અરજી લઈ બેરીકેટીંગ સુધી પહોંચી જઈ CMના નામની બુમો પાડી હતી. CMનું આ વાત પર ધ્યાન જતા તેમને તેની અરજી સ્વીકારી હતી.

યુવકે બહારના રાજ્યમાંથી મેડિકલ અને ડેન્ટલ ગ્રેજયુએશન કરીને આવતા વિદ્યાર્થીઓને સ્ટેટ કવોટામાં એડમિશન આપવા માટે રજૂઆત કરી હતી. આ ઉપરાંત યુવકે ગુજરાતના ડોમિસાઈલ વિદ્યાર્થીઓને અન્યાય થતો હોવાથી નવો નિયમ બનાવવા માટે પણ રજૂઆત કરી હતી.

જાહેર સભામાં કાગળ સાથે બૂમો પાડતા યુવાનને જોઈ મુખ્યપ્રધાન વિજય રૂપાણીએ પોલીસને તેમની અરજી લેવા માટે ઈશારો કર્યો હતો. જે બાદ યુવાને પત્રકારો સાથે વાતચીત કરી પોતાની રજૂઆત અંગે જણાવ્યું પણ હતું.