IPLIN
 

BIG NEWS / ધારાસભ્ય જીજ્ઞેશ મેવાણીની આસામ પોલીસે પાલનપુર સર્કિટ હાઉસમાંથી કરી ધરપકડ, જાણો કારણ

Team VTV 07:48 AM, 21 Apr 22 | Updated: 07:54 AM, 21 Apr 22
Follow us
Assam Police arrest MLA Jignesh Mewani

આસામ પોલીસે ધારાસભ્ય જીજ્ઞેશ મેવાણીની ગત મોડી રાત્રે ધરપકડ કરી હતી. આ મામલાની જાણકારી કોગ્રેસ નેતા જગદીશ ઠાકોરે ટ્વિટ કરીને આપી હતી.  

  • ધારાસભ્ય જિગ્નેશ મેવાણીની ધરપકડ
  • આસામમાં થયેલી ફરિયાદના આધારે ધરપકડ
  • મેવાણીએ કરેલા ટ્વીટ મુદ્દે ફરિયાદ થઈ હતી

આસામમાં થયેલી ફરિયાદના આધારે આસામ પોલીસે કરી ધરપકડ

જીજ્ઞેશ મેવાણીની ધરપકડને પગલે તેના સમર્થકો દ્ધારા એરપોર્ટ પર હોબાળો મચાવવામાં આવ્યો હતો.જો કે,ધરપકડ પાછળના કારણને લઇને કોઇ સત્તાવાર જાણકારી આપવામાં આવી નથી.

પાલનપુરથી જીજ્ઞેશ મેવાણીની ધરપકડ કરાઈ

મહત્વનું છે કે, જીજ્ઞેશ મેવાણીને આસામ પોલીસે પાલનપુરથી ધરપકડ કરવામાં આવી છે.  આ અંગે જીજ્ઞેશ મેવાણીએ કહ્યું કે મારા કોઇ ટ્વિટ મામલે મારી ધરપકડ કરવામાં આવી છે.  જો કે, પોલીસે મને પણ કોઇ સચોટ જાણકારી આપી નથી. મેવાણીએ કહ્યું કે હું કોઈ ખોટી ફરિયાદથી ડરવાનો નથી. મેવાણીએ કહ્યું કે હું મારી લડત ચાલુ રાખીશ.

કોંગ્રેસના નેતાઓએ એરપોર્ટ પહોંચીને સૂત્રોચ્ચાર કર્યા હતા

મહત્વનું છે કે, મેવાણીના સમર્થનમાં મધરાત્રે કોગ્રેસના નેતાઓ સમર્થનમાં પહોંચ્યા હતા. કોગ્રેસ પ્રદેશ પ્રમુખ જગદીશ ઠાકોર સહિત ધારાસભ્યો અમદાવાદ એરપોર્ટ પહોંચ્યા હતા. તેઓએ જીજ્ઞેશના સમર્થનમાં અને આસામ પોલીસના વિરુદ્ધમાં નારેબાજી કરી હતી. બીજી તરફ મેવાણીના વકીલ પરેશ વાઘેલાએ નિવેદન આપ્યું હતું કે આ ટ્વીટ મામલે ફરિયાદ કરાઈ છે. સીઆરપીસી 80 નો ભંગ કરી ધરપકડ કરાઈ છે. ધારાસભ્યની અટકાયત પહેલા અધ્યક્ષની પરમિશન લીધી હોવાની અમને જાણ કરાઇ નથી.

મેવાણીની ધરપકડને લઇને જગદીશ ઠાકોરે ટ્વિટ કર્યુ 

મેવાણીની ધરપકડને લઇને જગદીશ ઠાકોરે કહ્યું હતું કે જીજ્ઞેશે આર.એસ.એસ પર ટ્વિટ કર્યું હતું તેને લઇને ફરિયાદ કરવામાં આવી હતી. જે ધારાસભ્ય પૈસાથી ન માને તે ધારાસભ્યને ખોટી ફરિયાદમાં ડરાવવાનો આ પ્રયત્ન છે. જીજ્ઞેશ કે કોંગ્રેસે આવી ફરિયાદથી ડરવાની નથી. અમારી લીગલ ટીમ લડત આપશે અને જીજ્ઞેશને છોડાવશે.

assam police jignesh mewani arrest MLA આસામ પોલીસ જીજ્ઞેશ મેવાણી ધરપકડ ગુજરાતી ન્યૂઝ
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ