અસમમાં હવે લગ્ન કરનારી યુવતીઓને રાજ્ય સરકાર ફ્રી માં એક તોલો સોનું આપશે. અસમ સરકારે બુધવારે પોતાના બજેટમાં આ પ્રસ્તાવ કર્યો છે. રાજ્યના નાણા મંત્રી હેમંત બિસ્વા શર્માએ બજેટ રજૂ કરતાં કહ્યું કે રાજ્યમાં લગ્નના સમયે સોનું આપવાનો રિવાજ સામેલ છે એટલા માટે સરકાર તમામ સમુદાયોની દુલ્હનોને એક તોલુ સોનુ આપશે. એટલા માટે આ સોનું એ દુલ્હનોને આપવામાં આવશે જેમના પરિવારોને વર્ષની આવક પાંચ લાખ રૂપિયાથી ઓછી છે. આ ઉપરાંત એમને ગરીબોને એક રૂપિયા પ્રતિ કિલોના હિસાબથી ચોખા આપવાની પણ જાહેરાત કરી. વિદ્યાર્થીઓ માટે પણ ઘણી મોટી જાહેરાત કરી.
સરકારે જાહેરાત કરી કે 45 વર્ષ સુધીની ઉંમરની કોઇ મહિલાના પતિનું મૃત્યુ થવા પર એને 'Immediate Family Assistance' હેઠળ 25000 રૂપિયા આપવામાં આવશે. આ ઉપરાંત મહિલાને 60 વર્ષની ઉંમર સુધી દર મહિને 250 રૂપિયાનું માસિક પેન્શન પણ આપવામાં આવશે. 60 વર્ષ થવા પર એને વૃદ્ધાવસ્થા પેન્શનનો પણ લાભ મળવા લાગશે.
બજેટમાં Affordable Nutrition & Nourishment Assistance યોજનાની પણ જાહેરાત કરી. જે હેઠળ સરકાર માર્ચ 2019થી 53 લાખ પરિવારોને 1 રૂપિયા પ્રતિ કિલોના ભાવ પર ચોખા પૂરા પાડશે. અત્યાર સુધી ગરીબ પરિવારોને ચોખા 3 રૂપિયા પ્રતિ કિલોના ભાવ પર મળતા હતા.