ભારતીય એથ્લિટ મોહમ્મદ અનસ અને હિમા દાસ 40 મીટર ફાઇનલમાં પોત-પોતાના વર્ગમાં સિલ્વર મેડલ જીત્યા છે. હિમા 400 મીટર ફાઇનલમાં પોતાના વર્ગમાં બીજા નંબરે રહી અને સિલ્વર મેડલ પોતાના નામે કર્યા તેણે 50.79 સેકન્ડનો સમય લીધો.
પુરુષ એથ્લિટ મોહમ્મદ અનસે 400 મીટર ફાઇનલમાં 45.69 સેકન્ડનો સમય લેતા સિલ્વર મેડલ પોતાના નામે કર્યો. આ રેસમાં કતરના હસન અબ્બેલાહે ગોલ્ડ મેડલ જીત્યો જ્યારે બેહરીનના અલી ખામીસે બ્રોન્ડ મેડલ પર કબજો કર્યો. અનસ અને કતરના એથ્લિટ વચ્ચે શરૂઆતથી અંત સુધી જોરદાર ટક્કર જોવા મળી. જોકે આખરે હસને બાજી મારી લીધી અને ગોલ્ડ મેડલ પર કબજો જમાવી દીધો.
અગાઉ બેડમિન્ટનમાં ભારતની સ્ટાર શટલર પીવી સિંધુ અને સાઇના નહેવાલે ઇતિહાસ સર્જતા સેમી ફાઇનલમાં પ્રવેશ કરી દીધો છે. બંને ખેલાડીઓ પોત-પોતાની મેચમાં થાઇલેન્ડની ખેલાડીઓને હરાવી સેમી ફાઇનલમાં પ્રવેશ મેળવ્યો છે. આમ તેમણે સિલ્વર મેડલ નિશ્ચિત કરી લીધો છે. સિંધુએ થાઇલેન્ડની નિચોન જિંદાપોલને 21-11 16-21 અને 21-14થી હરાવી.