IPLIN
 
  • Home
  • Politics
  • India
  • As soon as the name for CM post was announced, Shinde made a big statement

મહારાષ્ટ્ર / CM પદ માટે નામ જાહેર થતા જ શિંદેએ આપ્યું મોટું નિવેદન, ઉદ્ધવ ઠાકરેને લાગશે મોટો ઝટકો

Team VTV 06:38 PM, 30 Jun 22
Follow us
As soon as the name for CM post was announced, Shinde made a big statement

મહારાષ્ટ્રના મુખ્યમંત્રી બની રહેલા એકનાથ શિંદેએ એવું કહ્યું કે અમે બાળાસાહેબના હિંદુત્વને આગળ વધારી રહ્યાં છીએ.

  • મહારાષ્ટ્રના નવા મુખ્યમંત્રી બન્યા એકનાથ શિંદે
  • કહ્યુ અમે બાળાસાહેબના હિંદુત્વને આગળ વધારી રહ્યાં છીએ
  • ભાજપ પાસે વધારી સંખ્યા હતી છતાં તેણે મુખ્યમંત્રી પદ ન લીધું
  • ભાજપે ઉદારતા દાખવી, પીએમ મોદી, અમિત શાહ, જેપી નડ્ડાનો આભાર 
  • અમારી સાથે શિવસેનાના 50 ધારાસભ્યો 
  • ઉદ્ધવ કાર્યકરોની ઉપેક્ષા કરી, હિંદુત્વથી ભટકી ગયા- શિંદે 

દેવેન્દ્ર ફડવવીસ સાથેની પ્રેસ કોન્ફરન્સમાં બોલતા એકનાથ શિંદેએ કહ્યું કે અમે જે નિર્ણય લીધો છે તે બાળાસાહેબના હિંદુત્વ અને અમારા ધારાસભ્યોના મતવિસ્તારમાં વિકાસ કાર્યો માટે પ્રતિબદ્ધ છે. અમારી સાથે 50 ધારાસભ્યો છે. અમે અમારા મતવિસ્તારની ફરિયાદો અને વિકાસ કાર્યો સાથે ભૂતપૂર્વ સીએમ ઠાકરેની પાસે ગયા અને તેમને સુધારાની જરૂરિયાત અંગે સલાહ આપી કારણ કે અમને અહેસાસ થવા લાગ્યો કે આગામી ચૂંટણી જીતવી અમારા માટે મુશ્કેલ હશે. અમે ભાજપ સાથે કુદરતી ગઠબંધનની માગણી કરી હતી. 

ભાજપે મોટું મન રાખ્યું, વધારે સંખ્યા હોવા છતા મને મુખ્યમંત્રી બનાવ્યો 
ભાજપ પાસે 120 ધારાસભ્યો છે પરંતુ તેમ છતાં દેવેન્દ્ર ફડણવીસે સીએમ પદ સંભાળ્યું ન હતું. હું પીએમ મોદી, અમિત શાહ અને અન્ય બીજેપી નેતાઓ સાથે તેમનો આભાર વ્યક્ત કરું છું કે તેઓએ ઉદારતા બતાવી અને બાળાસાહેબના સૈનિક (પાર્ટી-વર્કર)ને રાજ્યના સીએમ બનાવ્યા. 

શિવસેનાના 40 ધારાસભ્યો સહિત કુલ 50 ધારાસભ્યો અમારી સાથે
શિવસેનાના 40 ધારાસભ્યો સહિત કુલ 50 ધારાસભ્યો અમારી સાથે છે...અમે તેમની મદદથી અત્યાર સુધી આ લડાઈ લડી છે...આ 50 લોકોએ મારા પર જે વિશ્વાસ મૂક્યો છે તેમને હું ઉની આંચ નહીં આવવા દઉં અને તેમનો વિશ્વાસ ટકાવી રાખીશ. 

 મહારાષ્ટ્રના વિકાસ માટે અમે એક સાથે આવ્યા 
 એકનાથ શિંદેએ કહ્યું કે મહારાષ્ટ્રના વિકાસ માટે અમે એક સાથે આવ્યા છીએ. આજે સાંજે 7.30 વાગ્યે માત્ર શિંદે જ શપથ લેશે. મહા વિકાસ આઘાડી સરકારમાં કામ કરવામાં અમને સમસ્યાઓ આવી રહી હતી. અમે ઉદ્ધવ ઠાકરેને આ વિશે જણાવ્યું હતું. અમે અમારો પક્ષ સમજાવવાનો પ્રયત્ન કર્યો. ભાજપ સાથે અમારું સ્વાભાવિક જોડાણ હતું. બાળાસાહેબના વિચારો સાથે આગળ વધ્યા ત્યારે અંતે સરકારે હિન્દુત્વ અંગે કેટલાક નિર્ણયો લીધા હતા.

ઉદ્ધવ મળવાનો સમય નથી આપતા

શિંદેએ આરોપ લગાવ્યો કે, શિવસેના હિન્દુત્વના મુદ્દે ભટકી ગઈ છે, ઉદ્ધવ મળવાનો સમય નથી આપતા. ઉદ્ધવ ઠાકરેની મુશ્કેલી ત્યારે વધી જ્યારે મહા વિકાસ અઘાડીને ટેકો આપનારા નાના પક્ષો અને અપક્ષોએ રાજકીય ઉથલપાથલ વચ્ચે એકસાથે જવાનું શરૂ કર્યું. જ્યારે શિવસેના દ્વારા બળવાખોરોને ડરાવવામાં આવ્યા હતા અને ધમકી આપવામાં આવી હતી, ત્યારે ઉદ્ધવ ઠાકરેએ લાગણી દર્શાવી હતી, પરંતુ મામલો થાળે પડ્યો ન હતો.

Maharashtra Political Crisis Eknath Shinde Devendra Fadanvis Uddhav Thackeray મહારાષ્ટ્ર રાજકીય કટોકટી એકનાથ શિંદે દેવેન્દ્ર ફડણવીસ
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ