છોટાઉદેપુર / ખુશાલ ભીલની મહેનત અને VTVના અહેવાલની ધારદાર અસર, કડુલી મહુડી ગામે તંત્રએ બનાવ્યો બોર, બે મહિનાથી જાતે કુવો ખોદતા હતા

• છોટાઉદેપુરમાં VTV ન્યુઝના અહેવાલની અસર 
• VTVના અહેવાલની ધારદાર અસર 
• ખુશાલ ભીલે જાતે કુવો ખોદવાનું કર્યું હતુ શરૂ 
• ગામમાં વહીવટી તંત્રએ બનાવ્યો બોર 

છોટાઉદેપુર જિલ્લાના અંતરીયાળ વિસ્તારમાં આવેલા કડુલી મહુડી ગામે ખુશાલ ભીલ દ્વારા કુવો ખોદવાની કામગીરી છેલ્લા બે માસથી શરૂ કરવામાં આવી હતી. પથ્થર તોડીને ખુશાલ ભીલે 40 ફુટ ઉંડો કુવો ખોદ્યો હતો. પીવાના પાણીની તંગી હોવાના કારણે જાતે જ કૂવો ખાદવાનું કામ શરૂ કર્યુ હતુ. વીટીવી ન્યુઝ દ્વારા સમગ્ર અહેવાલ રજૂ કરવામાં આવતા તેની ધારદાર અસર થઈ હતી. જેથી જિલ્લા વહીવટી વિભાગે વીટીવીના અહેવાલની નોંધ લઈને ગામમાં બોર કરાવી આપવામાં આવ્યો છે. જ્યાં કુવાનું ખોદકામ કરવામાં આવ્યુ હતુ તેની બાજુમાં તંત્ર દ્વારા બોર બનાવી આપવામાં આવ્યો છે. કુવા નજીક હાલ બોર ઉતારવા માટે ડ્રિલિંગ કામગીરી પૂર્ણ કરવામાં આવી છે. ત્યારે ગામમાં પાણીની સમસ્યા દૂર થતા ખુશાલ ભીલે વીટીવી ન્યુઝનો આભાર માન્યો હતો.

ગામમાં પીવાના પાણીની સમસ્યા દૂર થઈ 
નસવાડીના ડુંગર વિસ્તારમાં સિચાઈની વ્યવસ્થા ન હોવાથી ખુશાલ ભીલ દ્વારા પાણીની સમસ્યા હલ કરવા અને જો પાણી ન મળે તો વરસાદી પાણીનો સંગ્રહ થાય તે હેતુથી કુવો ખોદવાનું શરૂ કર્યુ હતુ. બિહારના દશરથ માજીની જેમ કોઈ પણ મદદ વગર આ ગુજરાતી દશરથ માજી એવા ખુશાલ ભીલે બે માસમાં અંદાજે 30 ફૂંટ ઉંડો અને 40 ફુટ પહોડો કુવો ખોદી નાખ્યો હતો. તેથી વીટીવી ન્યુસ દ્વારા ધારદાર અહેવાલ રજૂ કરવામાં આવ્યો હતો. જેમાં સરકાર સુધી યુવકની વાત પહોંચાડવામાં સફળતા મળી હતી. ત્યાર બાદ વહીવટી તંત્રએ વીટીવી ન્યુઝ દ્વારા બતાવવામાં આવેલા અહેવાલની નોંધ લઈને કડુલી મહુડી ગામમાં કુવાની બાજુમાં જ બોર બનાવ્યો છે. જેથી ગામમાં પીવાના પાણીની સમસ્યા દૂર થઈ છે.